ٹوئٹر پر جاری ایک بیان میں انہوں نے کہا کہ دنیا میں آج کے دن پاکستان روس کے بعد ان ممالک میں دوسرے نمبر پر ہے جہاں کرونا وائرس تیزی سے پھیل رہا ہے۔ اس کی وجہ ابتدا میں وزیر اعظم عمران خان کی تفتان بارڈر صورتحال کو غلط طریقے سے مینیج کرنے کی وجہ سے ہوئی اور اس کے بعد ان کی گومگو کی پالیسی حالات کو خراب کرتی چلی گئی۔
Mr. PM: the virus is not here to stay forever; nor are you! Corona is spreading fast here due to your Taftan mismanagement & confused policy since. Pakistan today had the second-fastest spread of the virus. Millions had lost jobs due to your poor economic policies and now..(1/2) pic.twitter.com/iMNmFC7RNJ
— Shehbaz Sharif (Stay at home to stay safe) (@CMShehbaz) June 3, 2020
شہباز شریف کا کہنا تھا کہ لاکھوں افراد کے بے روزگار حکومت کی غلط معاشی پالیسیوں کی وجہ سے چھنے اور اب عمران خان عالمی وبا کے پیچھے چھپ رہے ہیں اور مگرمچھ کے آنسو بہا رہے ہیں۔ انہوں نے وزیر اعظم کو مخاطب کر کے کہا کہ آپ 22 کروڑ پاکستانیوں کی زندگیوں کو خطرے میں ڈال رہے ہیں۔
واضح رہے کہ worldometers.info نامی ویب سائٹ کے مطابق گذشتہ 24 گھنٹے میں پاکستان میں 4065 نئے کیسز سامنے آئے ہیں۔ روس دنیا کا واحد ملک ہے جہاں اس سے زیادہ 8 ہزار 536 نئے کیسز سامنے آئے۔ میکسیکو میں 3891، امریکہ میں 3652 جب کہ ایران میں 3134 نئے کیسز سامنے آئے۔
اس وقت پاکستان میں کرونا وائرس کے مصدقہ کیسز کی کل تعداد 80 ہزار 984 ہے جب کہ 1698 لوگ اس کے باعث جان سے ہاتھ دھو بیٹھے ہیں۔