اسلام آباد کی خصوصی عدالت نے میں اسلام آباد پولیس کے اے ایس آئی ظہور پر ملکی راز فروخت کرنے کے الزام میں فرد جرم عائد کرنے کا فیصلہ کر لیا ہے۔
خصوصی عدالت کے ایڈیشنل سیشن جج فیضان حیدر گیلانی نے آفیشل سیکرٹ ایکٹ کے تحت درج مقدمات کی سماعت کی۔ سماعت کے دوران ملزم ظہور احمد اپنے وکیل ایڈووکیٹ عمران فیروز ملک کے ہمراہ عدالت میں پیش ہوا جبکہ عدالت کی جانب سے ملزم کو ایف آئی اے کی جانب سے جمع کروائے گئے چالان کی نقول بھی فراہم کر دی گئی۔
عدالت نے مقدمہ میں نامزد ملزم ظہور احمد پر 9 مارچ کو فرد جرم عائد کرنے کا فیصلہ کیا جبکہ ملزم کو آئندہ سماعت پر حاضری یقینی بنانے کی ہدایت بھی کی گئی۔
خیال رہے کہ وفاقی تحقیقاتی ادارے (ایف آئی اے) نے 13 دسمبر 2021 کو اسلام آباد پولیس کے اے ایس آئی ظہور احمد پر سفارتکار کو ملکی راز فروخت کرنے کے الزام میں گرفتار کیا تھا ۔
ملزم کےخلاف مقدمہ آفیشل سیکریٹ ایکٹ کے تحت مقدمہ درج کیا گیا، ملزم کو 10 روزہ جسمانی ریمانڈ کے بعد 23 دسمبر 2021 کو جوڈیشل ریمانڈ پر جیل بھجوایا گیا ۔
ملزم کی 25 جنوری 2022 کو ایک لاکھ روپے کے مچلکوں پر ضمانت منظور کی گئی تھی۔
یہ بھی پڑھیں: اہم ادارے کے افسر کو ”مساج” کراتے پکڑنے پر اے ایس آئی پر ملکی راز بیچنے کا مقدمہ، ایمان مزاری
خیال رہے کہ کچھ عرصہ قبل سوشل میڈیا پر بھی یہ سوال اٹھائے گئے تھے وہ غیر ملکی سفارتکار کون تھے اور ان کا تعلق کس ملک سے تھا؟ جن کو اے ایس آئی ظہور نے ملکی راز بیچے۔ اگر اس گاڑی کا نمبر موجود ہے تو کیا اس سفارتخانے سے کوئی رابطہ کیا گیا؟
انسانی حقوق کی کارکن ایمان مزاری نے الزام عائد کیا تھا کہ اسلام آباد پولیس کے اے ایس آئی ظہور کو صرف اس لئے مقدمے میں پھنسایا گیا کیونکہ انہوں نے ایک مساج پارلر پر چھاپے کے دوران وہاں ایک اہم ادارے کے افسر کو رنگے ہاتھوں پکڑ لیا تھا۔
https://twitter.com/ImaanZHazir/status/1471409205538177028?ref_src=twsrc%5Etfw%7Ctwcamp%5Etweetembed%7Ctwterm%5E1471409205538177028%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F75071%2Fasi-zahoor-ahmed-army-officer-brothel-imaan-mazari-massage-centers%2F
ایمان مزاری نے اپنی ایک ٹویٹ میں لکھا تھا کہ پولیس چھاپے میں پکڑا گیا اور اس ساری کاروائی کا مقصد پولیس کو سبق سکھانا تھا۔ قوم کو ان سوالات کے جواب چاہیں کہ ایک معمولی اے ایس آئی کو قومی راز کی رسائی کیسے حاصل ہوئی؟ اگر اس کے پاس ایسے اہم قومی راز تھے تو کیا وہ اتنا بیوقوف تھا کہ انہیں صرف پچاس ہزار روپے کے عوض بیچتا؟
https://twitter.com/ImaanZHazir/status/1471004862523621381?ref_src=twsrc%5Etfw%7Ctwcamp%5Etweetembed%7Ctwterm%5E1471004862523621381%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F75071%2Fasi-zahoor-ahmed-army-officer-brothel-imaan-mazari-massage-centers%2F
خیال رہے کہ اسلام آباد کے تھانہ گولڑہ شریف میں تعینات اے ایس آئی ظہور کے معاملے کے پچھے ایک مقدمے کا بھی ذکر کیا جا رہا ہے۔ ایف آئی آر کے مطابق اسسٹنٹ کمشنر ثانیہ حمید کے ہمراہ پولیس نے عوامی شکایت پر سیکٹر ای الیون 3 میں مختلف مساج سینٹرز کا معائنہ کیا جہاں سن شائن نامی مساج سینٹر اور ایگزیکٹو مساج سینٹر پر چھاپہ مار کر12 مردوں اور 12 خواتین کو گرفتار کیا گیا تھا۔
https://twitter.com/ZeshanSyed08/status/1471385243915485186?ref_src=twsrc%5Etfw%7Ctwcamp%5Etweetembed%7Ctwterm%5E1471385243915485186%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F75071%2Fasi-zahoor-ahmed-army-officer-brothel-imaan-mazari-massage-centers%2F
اس ایف آئی آر میں گرفتار ایک شخص کے حوالے سے سوشل میڈیا پر یہ دعویٰ کیا جا رہا ہے کہ وہ کسی اہم ادارے کا اہلکار ہے۔ یہی چھاپہ اے ایس آئی ظہور کے مبینہ طور پر لاپتا ہونے کی وجہ بنیاد بنا۔
