فرح خان کی دبئی فرار کی تصویر منظر عام پر آ گئی

خاتون اول بشریٰ بی بی کی دیرینہ سہیلی فرح خان کی دبئی فرار کی تصویر منظر عام پر آ گئی ہے۔ معلومات کے مطابق وہ بڑے آرام سے دبئی روانہ ہوئیں، انھیں کسی نے نہیں روکا۔

ان کے ٹریولنگ ریکارڈ کی رو سے ان کے خاوند 31 مارچ اور وہ خود 3 اپریل کو لاہور ائیرپورٹ سے نکلیں۔ ان پر الزامات ہیں کہ انہوں نے بزدار کو وزیراعلیٰ اور کئی لوگوں کو مرکز میں وزیر مشیر بنوایا۔ وہ فرح خان یا فرح گجر کہلاتی ہیں لیکن دستاویزت میں نام فرحت درج ہے۔

دوسری جانب فرح خان کو ان کے سسر مسلم لیگ ن کے ممبر صوبائی اسمبلی چودھری اقبال گجر نے اپنی بہو تسلیم کرنے سے انکار کر دیا ہے۔ تفصیل کے مطابق اپوزیشن کی توپوں کا نشانہ بننے والی خاتون اول کی دوست فرح خان کے سسر نے میڈیا سے گفتگو کرتے ہوئے کہا کہ فرح خان کو کبھی بہو تسلیم نہیں کیا۔ ان کے کاموں سے میرا کوئی تعلق نہیں ہے۔

https://twitter.com/SaleemKhanSafi/status/1511981474018381826?s=20&t=1Lei9b-CH9HGnz1mD3FEHg

چودھری اقبال گجر نے حیرت کا اظہار کرتے ہوئے کہا کہ عمران خان کیسے اس طرح کی خاتون کے چنگل میں آ گیا ہے۔ یہ خواتین کا ایک گروپ ہے جو رائزنگ سٹارز کو قابو کر لیتا ہے۔

رکن صوبائی اسمبلی چودھری اقبال گجر کا کہنا تھا کہ فرح خان کا خاندانی پس منظر کیا ہےِ مجھے اس کے بارے میں کچھ نہیں پتا۔ فرح کا شوہر میرا بیٹا ضرور ہے لیکن اس نے میرے بیٹے کو باغی کرکے شادی کی تھی۔

فرح خان کون ہے؟ بیٹے سے شادی کیسے کی؟ چودھری اقبال گجر سچ سامنے لے آئے

دوسری جانب سردار عثمان بزدار نے کہا تھا کہ میں خاتون اول اور فرح خان کے بارے میں بے بنیاد الزامات کو قطعی طور پر مسترد کرتا ہوں۔

سماجی رابطوں کی ویب سائٹ ٹویٹر پر جاری بیان میں ان کا کہنا تھا کہ علیم خان، چوہدری سرور اور دیگر اپوزیشن ارکان کے من گھڑت الزامات کی سختی سے تردید کرتا ہوں اور بلا ثبوت الزام تراشی کی مذمت کرتا ہوں۔

سردار عثمان بزدار نے اپنی ٹویٹ میں لکھا تھا کہ پنجاب میں تقررو تبادلے میرٹ اور قواعد وضوابط کے مطابق ہوتے ہیں۔

خیال رہے کہ کافی عرصے سے یہ الزامات عائد کئے جا رہے ہیں کہ پنجاب میں اصل حکومت فرح خان اور ان کے شوہر چلاتے تھے۔ یہ دونوں افراد ٹرانسفر اور پوسٹنگ کیلئے کروڑوں روپے کی بھاری رقم وصول کرتے تھے۔

https://twitter.com/gnnhdofficial/status/1511978645837000712?ref_src=twsrc%5Etfw%7Ctwcamp%5Etweetembed%7Ctwterm%5E1511978645837000712%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F84109%2Fchaudhry-iqbal-gujjar-farah-khan-imran-khan-corruption%2F

پہلے تو یہ الزامات اپوزیشن رہنمائوں کی جانب سے سامنے آتے رہے۔ لیکن اب تو پی ٹی آئی کے دیرینہ ساتھیوں چودھری سرور اور علیم خان نے بھی ایسے ہی الزامات کی بوچھاڑ شروع کر دی ہے۔

گذشتہ دنوں علیم خان نے اپنی دھواں دار پریس کانفرنس میں ناصرف عثمان بزدار پر الزام لگایا بلکہ کہا کہ فرح خان نامی خاتون اور اس کا شوہر ان کرپشن کے تمام معاملات میں ملوث تھے۔

انہوں نے الزام عائد کیا تھا کہ میرے پاس تمام شواہد اور ٹھوس ثبوت بطور موبائل میسجز موجود ہیں جو میں گاہے بگاہے عمران خان کو بھیجتا رہا، اس میں ان تینوں کی کرپشن کی تمام روداد موجود ہے لیکن عمران خان نے جانتے ہوئے بھی ان کیخلاف کوئی ایکشن نہیں لیا۔

سابق وزیراعلیٰ پنجاب نے اپنی ایک اور ٹویٹ میں لکھا کہ منی لانڈرنگ اور کرپشن کے بے تاج بادشاہوں کا ہمیشہ وطیرہ رہا ہے کہ جب سیاسی میدان میں مات کھائیں تو بلیک میلنگ کے لیے اپنے حریفوں اور اداروں پر بے سروپا الزامات لگانے لگ جاتے ہیں۔ سیاسی میدان میں شکست خوردہ عناصر بے بنیاد اور من گھڑت الزامات لگا کر اپنی خفت نہیں چھپا سکتے۔