وفاقی وزیر اسد عمر نے سماجی رابطوں کی ویب سائٹ ٹویٹر پر جاری بیان میں بتایا کہ سکولوں میں ویکسی نیشن پروگرام کے اجرا اور وبائی صورتحال میں کمی کو دیکھتے ہوئے این سی او سی نے 11 اکتوبر سے معمول کی کلاسیں شروع کرنے کا فیصلہ کیا ہے۔
Based on the reduced level of disease spread and the launch of the school vaccination program, it has been decided in today's NCOC meeting to allow all educational institutions to start normal classes from Monday the 11th of October.
— Asad Umar (@Asad_Umar) October 7, 2021
گزشتہ ماہ 16 ستمبر سے ملک بھر میں تمام تعلیمی ادارے کھول دیئے گئے تھے لیکن صرف پچاس فیصد طلبہ کو ہی کلاسوں میں آنے کی اجازت دی گئی تھی۔ اس سے پہلے حکومت نے رواں برس کے اوائل میں کورونا وائرس کی تیسری لہر کے خطرات کے پیش نظر اسلام آباد سمیت تمام صوبوں میں تعلیمی اداروں کو بند کر دیا تھا۔