نیوز چینل کیپٹل ٹی وی کے کیمرہ مین فیاض کے بعد اب سٹی فورٹی ٹو کے کیمرہ مین رضوان ملک بھی تنخواہ نہ ملنے پر ذہنی دباؤ کا شکار ہو کر ہارٹ اٹیک کے باعث انتقال کر گے ہیں۔
کیمرہ مین کے قریبی احباب کا کہنا ہے مرحوم دو ماہ سے سیلری نہ ملنے کی وجہ سے مالی مسائل اور ذہنی اذیت کا شکار تھے۔
سٹی 42 کے کیمرہ مین رضوان ملک بھی میڈیا مالکان کی ہوس زر کی بھینٹ چڑھ گئے. اس نوجوان صحافی جس کی شادی کو ڈیڑھ ماہ ہوا تھا کئی ماہ تنخواہ نہ ملنے کی وجہ سے سخت ڈیپریشن کی حالت میں دل کا دورہ پڑنے سے انتقال کرگئے. اس جوان موت کا ذمہ دار کون ہے؟ pic.twitter.com/wHTIhZrtNA
— M.Anis ur Rehman (@anisrehman73) February 8, 2020
واضح رہے کہ گذشتہ مہینے نیوز چینل کیپٹل ٹی وی کے کیمرہ مین مسلسل کئی ماہ کی تنخواہیں نہ ملنے پر شدید ذہنی و مالی دباؤ کا شکار ہو کر چل بسے تھے۔ کیمرہ مین فیاض 10 ماہ تک کیپٹل ٹی وی میں بغیر تنخواہ کے کام کرتے رہے، 10 ماہ کے بعد تنخواہیں دینے کی بجائے اسے نوکری سے ہی برخاست کر دیا گیا جس کے باعث وہ شدید ذہنی دباؤ کا شکار ہو گئے اور حرکت قلب بند ہونے سے انتقال کر گئے۔
Fayyaz Ali was a cameraman in capital TV for many years but for last many months he was working without any pay. A day after he was expelled by the management, he died due to cardiac arrest #PakistaniMedia #Crisis pic.twitter.com/aFSSOD2mbK
— Pakistan Media Watch (@PakPressWatch) January 22, 2020
نیشنل پریس کلب نے تنخواہ نہ ملنے کی وجہ سے کیمرہ مین کی موت پر اظہار افسوس کرتے ہوئے اپنی پریس ریلیز میں لکھا تھا کہ کیپٹل ٹی وی نے ظلم کی تمام حدیں پار کر دی ہیں، مرحوم کے اہلخانہ کو انصاف کی فراہمی تک ذمہ داران کا پیچھا نہیں چھوڑا جائے گا۔
خیال رہے کہ متعدد پاکستانی نیوز چینلز میں کام کرنے والے ملازمین مہینوں تنخواہوں سے محروم رہتے ہیں اور چینل مالکان کے خلاف کسی قسم کی کوئی کارروائی نہیں کی جاتی۔ تنخواہ مانگنے اور اپنے حق کے لیے آواز اٹھانے پر ملازمین کو نوکری سے نکالے جانے کی دھمکیاں دی جاتی ہیں۔
گذشتہ دنوں ایک فہرست بھی سامنے آئی تھی جس میں ان تمام میڈیا چینلز کے نام درج تھے جہاں صحافیوں اور ملازمین کو تنخواہ نہیں دی جاتیں۔
Defaulters' list: Nawa-e-Waqt Group tops the list pic.twitter.com/Yq7NRWzp4B
— Khaleeq Kiani (@KhaleeqKiani) January 30, 2020
واضح رہے کہ ملک میں پی ٹی آئی کی حکومت آنے کے بعد سے صحافت کا شعبہ ملکی تاریخ کے بدترین دور سے گزر رہا ہے۔ میڈیا ہاؤسز میں ڈاؤن سائزنگ سے ہزاروں صحافی بیروزگار ہو چکے ہیں جبکہ باقی تنخواہوں سے محروم ہیں۔ تاہم، صحافیوں کے اس استحصال پر حکومت خاموش تماشائی بنی ہوئی ہے۔