ملک بھر میں آج عام انتخابات 2024 کے لیے پولنگ کا عمل جاری ہے. عام شہریوں سے لیکر بااثر شوبز شخصیات جذبے کے ساتھ اپنے پسندیدہ لیڈر کو ووٹ ڈال رہی ہے۔ یہی وجہ ہے کہ کئی ایک مشہور اداکاروں نے صبح صبح ہی اپنے پسندیدہ امیدوار کے انتخابی نشان پر مہر لگا دی ہے۔
آج ووٹ ڈال کر عوام اگلے پانچ سالوں کے لیے ملک کا نیا وزیراعظم منتخب کریں گے.اسی سلسلے میں پاکستانی شوبز شخصیات سوشل میڈیا کے ذریعے عوام سے ووٹ ڈالنے کی اپیل کررہی ہیں۔
شوبز ستارے اپنے پسندیدہ انتخابی نشان پر مہر لگانے کے بعد اپنی تصاویر اور ویڈیوز سوشل میڈیا پر پوسٹ کررہے ہیں تاکہ اُنہیں دیکھ کر عوام میں ووٹ ڈالنے کا جذبہ پیدا ہو اور عوام پاکستان کے مستقبل کے لیے اپنا حق استعمال کریں۔
ہمایوں سعید
ہمایوں سعید نے سماجی رابطے کی ویب سائٹ ایکس پر اپنی پوسٹ میں پاکستان زندہ باد کا نعرہ لگاتے ہوئے عوام سے اپیل کرتے ہوئے کہا کہ جاؤ اور بہتر پاکستان کے لیے ووٹ دو۔ پاکستان کو ووٹ دو۔
Go and vote for a better Pakistan... Vote for Pakistan... Pakistan Zindabad! #Election2024
— Humayun Saeed (@iamhumayunsaeed) February 7, 2024
عدنان ملک
سُپر ہٹ ڈراما سیریل “صدقے تمہارے” کے اداکار عدنان ملک نے بھی ووٹ ڈالنے کے بعد تصویر اپنی انسٹاگرام سٹوری میں شیئر کی۔
عثمان خالد بٹ
چلبلے اداکار عثمان خالد بٹ نے بھی اپنے ایکس اکاؤنٹ پر اپنی تصویر پوسٹ کرتے ہوئے کہا کہ آج کا دن بہت خوبصورت ہے۔ باہر جائیں اور ووٹ دیں۔
عثمان خالد بٹ نے مداحوں کو پیغام بھی دیا کہ پولنگ اسٹیشن کے اندر موبائل فون، ڈیجیٹل واچز اور کاغذ پر لکھا ہوا حلقہ نمبر، شماریاتی بلاک کوڈ وغیرہ بھی آپکو اندر لے جانے کی اجازت نہیں۔ لہذٰا آپ سب ایسا کریں کہ اپنا شماریاتی بلاک کوڈ یاد کر کے جائیں۔
Mobile phones and digital watches are not allowed inside the polling station.
— Osman Khalid Butt ???????? (@aClockworkObi) February 8, 2024
If you didn’t print your information (from messaging 8300), just memorize your block code and serial number or write it down before entering. It’ll help make the process easier. https://t.co/ClcOF5miyM
تازہ ترین خبروں اور تجزیوں کے لیے نیا دور کا وٹس ایپ چینل جائن کریں
عائزہ خان
معروف اداکارہ عائزہ خان نے ووٹ ڈالنے کے بعد سوشل میڈیا سائٹ انسٹاگرام پر اپنی تصویر پوسٹ کی اور کہا کہ ووٹ ڈالنے سے پہلے 8300 پر اپنا شناختی کارڈ نمبر میسج کرکے اپنے پولنگ سٹیشن اور حلقے کی معلومات لازمی حاصل کریں۔
حمزہ علی عباسی
معروف اداکار حمزہ علی عباسی نے بھی اپنی تصویر ایکس پر پوسٹ کرتے ہوئے ووٹ ڈالنے کی تصدیق کی۔
Voted pic.twitter.com/FIxrEQw61u
— Hamza Ali Abbasi (@iamhamzaabbasi) February 8, 2024
فاطمہ آفندی
اداکارہ فاطمہ آفندی نے اپنے شوہر اداکار ارسلان کے ہمراہ لی گئی سیلفی انسٹاگرام پر پوسٹ کرتے ہوئے کہا کہ ہم نے اپنا حق ادا کردیا ہے، اب آپ بھی اپنا حق ادا کریں۔
ثناء فخر
معروف اداکارہ ثناء فخر نے بھی ووٹ ڈالنے کے بعد انسٹاگرام پر اپنی سیلفی پوسٹ کی اور صارفین سے پوچھا کہ آپ کس جماعت کو ووٹ دیں گے؟
ماورا حسین
معروف اداکارہ ماورا حسین نے انسٹاگرام پر اپنی ویڈیو پوسٹ کی اور بتایا کہ وہ ووٹ ڈالنے جا رہی ہیں۔
مریم نفیس
اداکارہ مریم نفیس نے ووٹ ڈالنے کے بعد شوہر کے ہمراہ تصویر ایکس پر پوسٹ کی اور ساتھ ہی قرآنی آیت بھی لکھی جس کا ترجمہ ہے کہ “ہمارے لیے اللہ ہی کافی ہے اور وہ بہترین کارساز ہے”۔
• HasbunAllahu Wa Nimal Wakil ????#Voted #PakistanZindabad ????????#Elections2024 pic.twitter.com/MWwlXn7e77
— Mariyam Nafees Amaan (@MariyamNafeees) February 8, 2024
سجل علی
اداکارہ سجل علی نے ’ملک کی بہتری کیلئے‘ ووٹ کاسٹ کردیا۔
گلوکار عاصم اظہر
گلوکار عاصم اظہر نے اپنے والد کے ہمراہ ووٹ کاسٹ کردیا۔ گلوکار نےاپنے انسٹاگرام پر تصویر شیئر کر کے لکھا کہ کیا آپ نے ووٹ دیا؟ ہم نے ووٹ دے دیا۔
عتیقہ اوڈھو
سینیئر اداکارہ عتیقہ اوڈھو نے سوشل میڈیا پر اپنے انگوٹھے کی تصویر پوسٹ کرتے ہوئے بتایا کہ اُنہوں نے پاکستان تحریک انصاف کو ووٹ ڈالا ہے۔