خیال رہے کہ طوبیٰ انور مشوہر اداکارہ اور ماڈل ہیں۔ طوبیٰ انور سماجی رابطوں کی ویب سائٹ انسٹاگرام پر جاری ایک پوسٹ میں تصدیق کی ہے کہ انہوں نے عامر لیاقت حسین سے خلع لے لی ہے۔
سیدہ طوبیٰ انور نے اپنی ٹویٹر اور انسٹاگرام پوسٹ پر جاری پیغام میں کہا کہ میرے قریبی رشتہ دار اور دوست جانتے ہیں کہ انہوں نے 14 ماہ قبل ہی شوہر سے علیحدگی اختیار کر لی تھی۔
اداکارہ طوبیٰ انور نے عامر لیاقت سے علیحدگی کی وجہ بتائے بغیر کہا کہ انہیں صلح کی کوئی وجہ صورت نظر نہیں آئی، اس کے بعد انہوں نے مجبور ہو کر خلع لی ہے۔
View this post on Instagram
طوبیٰ انور نے اپنے مداحوں اور میڈیا سے درخواست کی کہ ان کے مشکل ٹائم کا بھرم رکھ کر ان کی ذاتی زندگی کا بھی خیال رکھا جائے۔
سیدہ طوبیٰ انور کا کہنا تھا کہ ان کے لئے یہ مشکل وقت ہے، مگر انہیں یقین ہے کہ خدا ہر کسی کے لئے ہمیشہ اچھے ہی فیصلے کرتا ہے۔
طوبیٰ انور کی جانب سے شوہر عامر لیاقت حسین سے خلع کی تصدیق کی پوسٹس پر کئی شوبز شخصیات، صحافیوں اور مداحوں نے ان کے لئے نیک خواہشات کا اظہار کیا ہے۔