بلدیاتی انتخابات کے ضابطہ اخلاق کی خلاف ورزی پر پیپلز پارٹی کے چیئرمین بلاول بھٹو زرداری اور پارٹی کے دیگر رہنمائوں پر الیکشن کمیشن کی جانب سے جرمانہ عائد کر دیا گیا ہے۔
الیکشن کمیشن آف پاکستان کی جانب سے چئیرمین پیپلز پارٹی بلاول بھٹو زرداری پر 50 ہزار جرمانہ کیا گیا ہے۔
ان کے علاوہ وزیراعلیٰ سندھ سید مراد علی شاہ، سینئر پارٹی رہنما سید خورشید شاہ، نثار کھوڑو، رکن قومی اسمبلی قادر پٹیل اور صوبائی وزیر سعید غنی، پر بھی فی کس 50 ہزار روپے جرمانہ کیا ہے۔
ضابطہ اخلاق کی خلاف ورزی پر الیکشن کمیشن کی جانب سے پی پی پی کی رہنما نگہت اورکزئی کو تنبیہ کی گئی ہے۔
الیکشن کمیشن کی جانب سے جاری بیان میں کہا گیا ہے کہ اگر پیپلز پارٹی کے رہنمائوں نے دوبارہ ضابطہ اخلاق کی دوبارہ خلاف ورزی کی تو ان کا کیس الیکشن کمیشن کو بھجوا دیا جائے گا۔
