وزیراطلاعات فواد چوہدری نے مزید کہا کہ اگر سپیکر دیکھے کہ کسی ایم این اے نے پارٹی چھوڑ دی ہے تو سپیکر اس ووٹ کو وزیراعظم عمران خان کے خلاف عدم اعتماد کے حتمی ووٹ میں شامل نہیں کریں گے۔
آئین کے آرٹیکل 63A (1) (a) کا حوالہ دیتے ہوئے وزیر نے دعویٰ کیا کہ اگر کوئی ایم این اے کسی پارٹی سے استعفیٰ دے کر دوسری پارٹی میں شامل ہوتا ہے تو یہ آپشن واضح ہے کہ سپیکر اس کے خلاف الیکشن کمیشن کو فوراً ریفرنس بھیج سکتے ہیں۔ اس لیے اپوزیشن ایک غلط فہمی میں مبتلا ہے۔‘‘
آرٹیکل 63A (1) (a)، جس کا عنوان 'انحراف کی بنیاد پر نااہلی' کہتا ہے کہ پارٹی سے انحراف کی بنیاد پر وہ شخص نا اہل ہوسکتا۔ آرٹیکل صاف کہتا ہے کہ
(a) اپنی سیاسی جماعت کی رکنیت سے استعفیٰ دے یا کسی دوسری پارٹی میں شامل ہو جائے۔
فواد چوہدری کا یہ بیان ایسے وقت میں آیا ہے جب اپوزیشن کا دعویٰ ہے کہ اسے پی ٹی آئی کے 20 سے زائد ایم این ایز کی حمایت حاصل ہے جو وزیراعظم کے خلاف عدم اعتماد کا ووٹ دینے کو تیار ہیں۔
کیا سپیکر پی ٹی آئی کے ایم این ایز کو پارٹی لائن کے خلاف ووٹ دینے سے روک سکتے ہیں؟
ماہرین کے مطابق کیونکہ آرٹیکل 63A واضح طور پر کہتا ہے کہ اگر کسی سیاسی جماعت کا کوئی ایم این اے عدم اعتماد کے ووٹ کے معاملے پر فلور کراس کرتا ہے، تو پارٹی کے سربراہ، یعنی وزیر اعظم عمران خان کو تحریری طور پر اعلان کرنا ہو گا کہ ان کا رکن منحرف ہو چکا ہے۔
اس کے بعد خط کی ایک کاپی چیف الیکشن کمشنر کے ساتھ ساتھ منحرف رکن کو بھیجی جاتی ہے۔
تاہم اس آرٹیکل کے مطابق تحریری اعلان سے پہلے، پارٹی سربراہ کو ایم این اے کو "وجہ ظاہر کرنے کا موقع فراہم کرنا ہوگا کہ اس کے خلاف ایسا کیوں کیا جا رہا ہے۔
مذکورہ عمل مکمل ہونے کے بعد چیف الیکشن کمشنر کی جانب سے تحریری اعلامیہ الیکشن کمیشن کے سامنے رکھا جائے گا، جس میں اعلان کی تصدیق کے لیے مزید 30 دن کا وقت ہوگا، یعنی سیٹ خالی قرار دے دی جائیگی۔
آرٹیکل میں مزید کہا گیا ہے کہ ممبر کو الیکشن کمیشن کے فیصلے کے خلاف سپریم کورٹ میں 30 دن کے اندر اپیل کرنے کا حق ہے اور عدالت اس معاملے کا مزید 90 دنوں میں فیصلہ کرے گی۔
قانونی ماہر ریما عمر نے ایک ٹویٹ میں مزید وضاحت کی کہ عمران خان بمقابلہ عائشہ گلالئی کیس میں سپریم کورٹ نے کہا کہ جس شخص کے خلاف کارروائی ہو رہی ہے اسے الیکشن کا ریفرنس بھیجنے سے پہلے پارٹی سربراہ کی جانب سے اسے سننے کا موقع دینا چاہیے۔
https://twitter.com/reema_omer/status/1501637690793545728
See for example Imran Khan v. Ayesha Gulalai, where SC held no declaration of defection can be made by the Party Head without giving the person who has voted against the party’s directions an opportunity to be heard pic.twitter.com/vdhyiWwwhi
— Reema Omer (@reema_omer) March 9, 2022
کیا سپیکر ڈالے گئے ووٹوں کو مسترد کر سکتا ہے؟
پاکستان انسٹی ٹیوٹ آف لیجسلیٹو ڈیولپمنٹ اینڈ ٹرانسپیرنسی (پلڈاٹ) کی جوائنٹ ڈائریکٹر آسیہ ریاض نے جیو نیوز کو بتایا کہ اسپیکر کاسٹ کیے گئے ووٹوں کو مسترد نہیں کر سکتا، کیونکہ عدم اعتماد کے ووٹ پر ووٹ دیتے وقت کوئی بیلٹ پیپر شامل نہیں ہوتا۔
آسیہ ریاض نے یہ بھی بتایا کہ عدم اعتماد کے ووٹ کے دوران ووٹنگ کیسے کی جاتی ہے۔ انہوں نے بتایا کہ ، "ہر رکن لابی میں گزرتا ہے اور ان کے ووٹ سیکرٹریٹ کے ذریعے ریکارڈ کیے جاتے ہیں،" انہوں نے کہا، "مطلب یہ ہے کہ ہر قانون ساز ایک دروازے سے باہر جاتا ہے اور اسی دروازے پر سیکرٹریٹ ایم این اے کی فہرست کے خلاف ہر ووٹ کو ریکارڈ کرتا ہے۔"
کیا پارٹی سربراہ پی ٹی آئی کے ایم این ایز کو عدم اعتماد کے ووٹ کے دوران پارلیمنٹ اجلاس میں شرکت سے روک سکتا ہے؟
پلڈاٹ کی آسیہ ریاض نے کہا کہ پارٹی سربراہ اپنے ایم این ایز سے تحریری طور پر نہیں کہہ سکتا کہ وہ اسمبلی میں نہ آئیں اور نہ ہی ووٹ دیں۔ "یہ ایم این اے کے آئینی حقوق اور مراعات ہیں،" انہوں نے وضاحت کی کہ پارٹی سےانحراف کی بنیاد پر نااہلی پر، آئین کا آرٹیکل 63-A اس کے اطلاق کے بارے میں بالکل درست ہے۔ انحراف کی بنیاد پر نااہلی کی وضاحت کرنے والا کوئی دوسرا قانون نہیں ہے۔"