Fri, November 08, 2024

Get Alerts

"کراچی والے ٹڈی دل کی کڑاہی اور بریانی بنا کر کھائیں"

شیئر کریں:
کراچی میں ٹڈی دل کے حملے پر بیان دیتے ہوئے وزیر زراعت سندھ اسماعیل راہو نے کہا ہے کہ کراچی کے شہری ٹڈی دل سے پریشان نہ ہوں بلکہ کڑاہی اور بریانی بنا کر کھا سکتے ہیں۔

کراچی میں ٹڈی دل کے حملے پر سندھ کے وزیر زراعت اسماعیل راہو نے ویڈیو بیان جاری کیا ہے جس میں ان کا کہنا ہے کہ ٹڈی دل کراچی میں رات میں قیام کر کے بلوچستان جا رہی ہے، ٹڈی دل نے کراچی کے علاقے ملیر میں کچھ دیر تک قیام کیا تھا۔

انہوں نے اپنے بیان میں مزید کہا کہ محکمہ زراعت کی ٹیموں نے صبح ملیر کے زرعی علاقوں کا دورہ کیا تھا تاہم ملیر کے کسی بھی علاقے میں ٹڈی دل نے فصلوں کو نقصان نہیں پہنچایا۔

وزیر زراعت اسماعیل راہو کا کہنا تھا کہ ٹڈی دل عوام کو نقصان نہیں پہنچاتی، لہذا کراچی کے شہری پریشان نہ ہوں، کراچی کے شہری ٹڈی دل سے کڑاہی اور بریانی بنا کر کھا سکتے ہیں۔ ٹڈی دل کراچی کے شہریوں کے پاس چل کر آئی ہے لہذا فائدہ اٹھائیں۔



وزیر زراعت سندھ کے اس بیان پر ردعمل دیتے ہوئے ترجمان ایم کیو ایم پاکستان نے کہا کہ صوبائی وزیر کی جانب سے کراچی کے شہریوں کو ٹڈی دل کی کڑھائی اور بریانی کھانے کا بیان انتہائی مضحکہ خیز ہے۔



انہوں نے کہا کہ پیپلزپارٹی کے دورحکومت میں اندرون سندھ کے معصوم شہری تو پہلے ہی ٹڈی دل کھانے پر مجبور ہیں۔ پیپلزپارٹی کی حکومت نے پہلے ہی کراچی کے شہریوں کے ساتھ کیا کم ظلم کیا ہے جو اب ٹڈی دل کھانے کا مشورہ دے رہی ہیں۔
ٹیگز: پاکستان, ٹڈی دل, زرعی, محکمہ زراعت

نیا دور