وزیراعظم عمران خان کے معاون خصوصی ڈاکٹر شہباز گل نے کہا ہے کہ اگر عوام نے سمپل میجوریٹی بھی دی ہوتی تو ہم اس ملک میں تبدیلی لا کر دکھا دیتے۔
آج ایک تقریب سے خطاب میں ڈاکٹر شہباز گل کا کہنا تھا کہ ہمارے کارکن ملک میں تبدیلی چاہتے تھے، جس کا ہم نے ان کیساتھ وعدہ کیا ہو اتھا لیکن اس تبدیلی کیلئے ہماری شرط تھی۔
ان کا کہنا تھا کہ سب سے پہلے اس بات کو یاد رکھیے کہ ہم نے اس شرط پر وعدہ کیا تھا کہ آپ ہمیں اقتدار میں لائیں ہم آپ کو ملک میں تبدیلی لا کر دکھائیں گے۔ آپ ہماری حکومت کو اقتدار میں لائیں ہم ملک کو تبدیل کرکے دیں گے۔
https://twitter.com/UNewsTv/status/1503332292940673025?s=20&t=R99GtCoTQuBDeeHFqkVhjw
معاون خصوصی نے سوال اٹھایا کہ کیا حقیقتاً یہ ہماری حکومت تھی؟ نہیں، یہ ہماری حکومت نہیں تھی؟ قوم نے عمران خان کو ووٹ ہی پورے نہیں دیئے، سمپل میجورٹی بھی دی ہوتی تو حالات مختلف ہوتے۔
ڈاکٹر شہباز گل کا کہنا تھا کہ 116 ووٹوں کے ساتھ یہ ہماری حکومت تھی؟ قوم نے ووٹ کو دیئے بھیرہ تک جانے کے لیکن امید کی کہ 160 کی سپیڈ پر لاہور تک چھوڑ کر آئو۔ دو باتیں اکھٹی نہیں ہو سکتیں۔
انہوں نے کہا کہ اگر وزیراعظم عمران خان کو سمپل میجوریٹی بھی ملی ہوتی تو میں دل پر ہاتھ رکھ کر کہتا ہوں کہ آج پاکستان مختلف ہوتا۔
