پاک فوج کے شعبہ تعلقات عامہ کے سربراہ میجر جنرل آصف غفور نے اپنے ٹویٹ میں کہا کہ کلبھوشن یادیو کے حوالے سے عالمی عدالت انصاف کے فیصلہ سے متعلق آرمی ایکٹ میں ترمیم کی افواہیں بے بنیاد اور غلط ہیں۔ تاہم، آئی سی جے فیصلہ کے مختلف قانونی پہلوؤں پر غور کیا جا رہا ہے۔
انہوں نے کہا کہ اس معاملہ پر حتمی فیصلہ سے مقررہ وقت پر آگاہ کیا جائے گا۔
Speculations for amendment in Pak Army Act to implement ICJ verdict regarding convicted Indian terrorist Cdr Kulbushan Jadhav are incorrect. Various legal options for review and reconsideration of the case are being considered. Final status shall be shared in due course of time.
— DG ISPR (@OfficialDGISPR) November 13, 2019
واضح رہے کہ میڈیا میں بھارتی جاسوس کلبھوشن یادیو کو اپیل کا حق دینے کے لئے آرمی ایکٹ میں ترمیم کی خبریں زیر گردش تھیں۔
دعویٰ کیا جا رہا تھا کہ پاکستان میں دہشتگردی کی کارروائیوں میں ملوث بھارتی جاسوس کلبھوشن یادیو کو اپیل کا حق دینے کے لئے آرمی ایکٹ میں ترمیم کا فیصلہ کیا گیا ہے۔