حکام کے مطابق ملک کے مختلف اسپتالوں میں اب تک 30 نرسوں میں کورونا کی تشخیص ہو چکی ہے جبکہ 60 سے زیادہ پیرامیڈکل سٹاف اور دیگر عملہ کرونا وائرس کا شکار ہو چکا ہے۔ جبکہ گزشتہ 24گھنٹوں میں 11 ڈاکٹرز، نرسوں اور پیرامیڈکس میں کرونا وائرس کی تشخیص ہوئی جب کہ پاکستان میں گزشتہ 2 ماہ میں 2 ڈاکٹر اور ایک نرس وائرس کی وجہ سے جاں بحق ہوچکے ہیں۔
حکام کے مطابق 200 سے زائد مزید طبی ونیم طبی عملے کے ٹیسٹ کرائے گئے ہیں جس کے نتیجے کا انتظار ہے
جیو نیوز کے مطابق وفاقی حکام نےا بتایا ہے کہ 16 اپریل تک سندھ میں 45، پنجاب 44، خیبر پختونخوا 39، اسلام آباد 15، بلوچستان 20، آزاد کشمیر 4 اور گلگت بلتستان میں 2 طبی اور نیم طبی عملے کے افراد وائرس کا شکار ہوئے تھے، اس متاثرہ طبی عملے کی اکثریت یا تو اسپتالوں میں زیر علاج ہے یا انہیں گھروں پر آئسولیٹ کردیا گیا ہے۔حکام کا کہنا تھا کہ گلگت بلتستان میں طبی عملے کے ایک فرد کی حالت تشویشناک ہے اور پنجاب میں بھی ایک پروفیسر وینٹی لیٹر پر ہیں۔
یاد رہے کہ پاکستان میں کورونا وائرس کے کیسز کی تعداد 7 ہزار سے تجاوز کرگئی ہے جب کہ ہلاکتیں بھی 135 تک جا پہنچی ہیں۔