دھرنے والوں کو کوئی چیز نہ دی جائے

وفاقی دارالحکومت اسلام آباد میں پولیس کی طرف سے  مراسلہ جاری کیا گیا ہے۔ جس کے مطابق پولیس  نے دھرنے والوں کو سہولیات فراہم کرنے پر پابندی عائد کر دی ہے اور احتجاج کے لئے ہدایت نامہ بھی جاری کر دیا ہے۔

پولیس کے مراسلے میں کہا گیا ہے کہ کیٹرنگ، ٹینٹ سروس، ہوٹلز، جنریٹر، ساونڈ سسٹم سمیت کوئی بھی چیز دھرنے والوں کو نہ دی جائے ۔ وفاقی پولیس نے مراسلے میں خبردار کیا ہے کہ ایسی کسی بھی سرگرمی میں پائے گئے تو قانون کیمطابق سخت کارروائی کی جائے گی۔

ذرائع کہا کہنا ہے کہ وفاقی پولیس نے آج ہونے والے اجلاس میں شہر کے داخلی راستوں پر مظاہرین کو روکنے کی حکمت عملی بھی تیار کر لی ہے۔