میر حاصل خان بزنجو کے انتقال پر سینئیر صحافی حامد میر نے لکھا کہ پیارے حاصل بزنجو آپ نے تمام عمر محروموں کے لئے آواز اٹھائی اور زندگی کے آخری دنوں میں تمام تر دباؤ کے باوجود آپ نے اصولوں پر کوئی سودے بازی نہیں کی آپ ہمارے دلوں میں ہمیشہ زندہ رہیں گے ہمیں آپ پر فخر ہے اللّٰہ پاک آپکی مغفرت فرمائے اور آپکے اہل خانہ اور دوستوں کو حوصلہ دے آمین۔
پیارے حاصل بزنجو آپ نے تمام عمر محروموں کے لئے آواز اٹھائی اور زندگی کے آخری دنوں میں تمام تر دباؤ کے باوجود آپ نے اصولوں پر کوئی سودے بازی نہیں کی آپ ہمارے دلوں میں ہمیشہ زندہ رہیں گے ہمیں آپ پر فخر ہے اللّٰہ پاک آپکی مغفرت فرمائے اور آپکے اہل خانہ اور دوستوں کو حوصلہ دے آمین pic.twitter.com/PKFoL4AOQP
— Hamid Mir (@HamidMirPAK) August 20, 2020
میر حاصل خان بزنجو کا سیاسی سفر
میر حاصل خان بزنجو کے والد میرغوث بخش بزنجو قوم پرست رہنما تھے جو بلوچستان کے پہلے گورنر تھے۔ 3 فروری 1958 کو خضدار کی تحصیل نال میں پیدا ہونے والے حاصل بزنجو بچپن سے ہی اپنے والد کے ساتھ ساتھ مختلف سیاسی اجتماعات میں شرکت کرتے رہے۔
انہوں نے سیاست کا باقاعد عملی آغاز اس وقت کیا جب وہ وہ چھٹی جماعت کے طالب علم تھے، اس مقصد کے لیے انہوں نے بلوچ سٹوڈنٹس آرگنائزیشن (بی ایس او) کا پلیٹ فارم منتخب کیا۔ 1975 میں اسلامیہ ہائی سکول کوئٹہ سے میٹرک پاس کرنے کے بعد انہوں نے کراچی یونیورسٹی کا رخ کیا جہاں سے انہوں نے 1982 میں فلسفے کا امتحان پاس کیا، 1988 میں وہ رشتہ ازدواج سے منسلک ہوئے۔
1989 میں اپنے والد کے انتقال کے بعد میر حاصل بزنجو نے باقاعدہ طور پر ملکی سیاست کے میدان میں قدم رکھا اور نیشنل پارٹی (این پی) کا حصہ بن گئے۔ 1990 میں پاکستان نیشنل پارٹی کے ٹکٹ پر پہلی بار انتخابات میں اور قومی اسمبلی کے ضمنی انتخاب میں رکن قومی اسمبلی منتخب ہوئے۔ 1993 کے انتخابات میں انہیں شکست ہوئی۔
سابق صدر جنرل پرویز مشرف کے دور حکومت میں ملک میں جمہوریت اور پارلیمنٹ کی بالادستی کیلئے لیے جدوجہد کے دوران وہ کئی بار جیل کے سلاخوں کے پیچھے گئے۔
میر حاصل بزنجو زندگی میں پہلی بار ذوالفقار علی بھٹو کے دور حکومت میں گرفتار ہوئے، ان پر الزام تھا کہ انہوں نے پیپلزپارٹی کے علاقائی دفتر کو جلایا ہے۔
تعلیم حاصل کرنے کے دوران وہ بی ایس او کے متحرک طالبعلم تھے، دو بار وہ کراچی یونیورسٹی سے گرفتار ہوئے۔ 1980 میں وہ چار مہینے کے لیے اے آر ڈی تحریک کے دوران کراچی سے گرفتار ہو کر جیل کی سلاخوں کے پیچھے گئے-
میر حاصل بزنجو کی جماعت نیشنل پارٹی نے 2018 میں عام انتخابات میں حصہ لیا لیکن وہ قومی و صوبائی اسمبلی کی ایک بھی نشست حاصل نہ کرسکے۔