پرتھ میں موجود آسٹریلیا کے خلاف ٹیسٹ میچز کھیلنے والی پاکستان کرکٹ ٹیم کو میلبرن ٹیسٹ سے قبل بڑا دھچکا لگ گیا۔ پہلے ٹیسٹ میں ڈیبیو کرنے والے قومی کرکٹ ٹیم کے فاسٹ بولر خرم شہزاد انجری کا شکار ہوگئے۔
پاکستان کرکٹ بورڈ( پی سی بی) کی جانب سے جاری کردہ پریس ریلیز کے مطابق خرم شہزاد نے آسٹریلیا کے خلاف پہلے ٹیسٹ کے دوران جسم کے بائیں جانب تکلیف کی شکایت کی تھی۔
ان کی شکایت کے بعد ٹیسٹ میچ کے اختتام پر انہیں ایم آر آئی سکین کے لیے بھیجا گیا۔
پی سی بی کا کہنا ہے کہ میڈیکل پینل کی طرف سے ایم آر آئی رپورٹس کا جائزہ لینے کے بعد مزید تفصیلات شیئر کی جائیں گی۔
Update on Khurram Shahzad
— PCB Media (@TheRealPCBMedia) December 20, 2023
Details here ⤵️ https://t.co/frPaMLshOg
واضح رہے کہ خرم شہزاد نے ڈیبیو میچ میں مجموعی طور پر 5 وکٹیں حاصل کی تھیں۔
قبل ازیں پرتھ ٹیسٹ میچ سے قبل ابرار احمد پرائم منسٹر الیون کے خلاف چار روزہ میچ میں دائیں گھٹنے میں تکلیف کی شکایت پر سپنر کو میدان سے باہر جانا پڑا تھا۔ میڈیکل ٹیم سپنر کا میڈیکل ٹیم نے معائنہ کیا بعدازاں انکا ایم آر آئی سکین کرایا تھا اور انہیں آرام کا مشورہ دیا تھا۔
ابرار احمد میڈیکل ٹیم کی نگرانی ری ہبلیٹیشن جاری ہے تاہم توقع کی جارہی ہے کہ وہ میلبرن ٹیسٹ سے قبل مکمل فٹ ہوجائیں گے۔