سیف سٹیز اتھارٹی کے اہلکار لاہور میں چلتی گاڑیوں میں بیٹھے جوڑوں کے ذاتی نوعیت کی تصاویر اتھارٹی کیمروں سے کھینچ کر وٹس ایپ گروپس میں وائرل کرنے لگے ہیں۔ ذرائع کے مطابق اتھارٹی کے کیمرے ہر وقت سنیپ کلکنگ کرتے ہیں اور سپیڈ لمٹ کی خلاف ورزی یا پھر اشارے توڑنے کی مرتکب گاڑیوں کی ای چلاننگ کی جاتی ہے۔ سیف سٹی اتھارٹی قوانین میں واضح ہے کہ ٹریفک رولز کی خلاف ورزی پر ای چلان یا پھر امن و امان سے متعلق کسی مشکوک سرگرمی کی نشاندہی کی صورت میں متعلقہ گراؤنڈ فورسز کو متحرک کر کے اس کو روک کر قانونی راستہ اپنایا جائے گا۔
مگر مندرجہ بالا کیس میں اتھارٹی کے اپنے ڈیٹا بیس سے ان جوڑوں کی تصاویر کو نکال کر وٹس ایپ گروپس میں ہنسی مذاق کی خاطر شئیر کیا جا رہا ہے جو کہ سائبر کرائم کے زمرے میں آتا ہے۔