ایف آئی آر کے مطابق مقدمہ سرکار کی مدعیت میں تھانہ سول لائن میں درج کیا گیا ہے۔ مقدمے میں ن لیگ کے رکن قومی اسمبلی خرم دستگیر، محمود بشیر ورک اور ن لیگ کے سٹی صدر سلمان خالد بٹ سمیت 100 سے زائد نا معلعوم افراد کو نامزد کیا گیا ہے۔
مقدمے کی درخواست میں کہا گیا ہے کہ ملزمان نے ضلعی انتظامیہ کے ساتھ کئے معاہدے کی خلاف ورزی کی۔ جلسہ سے قبل ضلعی انتظامیہ اور منتظمین کے درمیان معاہدہ طے پایا تھا کہ جلسے میں کرونا ایس او پیز کی خلاف ورزی نہیں کی جائے گی اور نا ہی سڑکیں بند کی جائیں گی۔تاہم انتظامیہ ہی کی جانب سے کنٹینرز لگا کر سڑکوں کو بند کیا گیا تھا جسے لیگی کارکنوں نے خود ہٹایا تھا۔ مقدمے میں لکھا گیا کہ منتظمین نے وقت کی پابندی نہیں کی اس کے علاوہ ساونڈ سپیکر ایکٹ کی خلاف ورزی بھی کی۔ علاوہ ازیں حکومت اور حکومتی اداروں کے خلاف اشتعال انگیز تقاریر کی گئیں۔ اسی مد میں ان پر مقدمہ درج کیا گیا ہے۔
https://twitter.com/HaiderKaleemB/status/1316505228477374465