وزیر مملکت شہریار آفریدی نے دھمکی دیتے ہوئے کہا ہے کہ خود کشی حرام نہ ہوتی تو پارلیمنٹ ہاؤس پر خود کش حملہ کر کے سب کو ختم کر دیتا۔
کوہاٹ میں کارکنوں سے خطاب کرتے ہوئے شہریار آفریدی نے کہا کہ اگر خودکشی حرام نہیں ہوتی تو میں اپنے جسم سے بارود باندھ کر پارلیمنٹ کے اندر خودکش حملہ کرکے سب ممبران کو ختم کر دیتا۔
انہوں نے مزید کہا کہ گالم گلوچ پگڑیاں اچھالنا دھمکیاں سب کریں گے لیکن مہنگائی بیروزگاری معیشت پر کوئی جواب نہیں دیں گے۔
https://twitter.com/RabNBaloch/status/1507205311777886208
خیال رہے کہ اس سے قبل وفاقی وزیر غلام سرور خان نے بھی کہا تھا کہ خود کشی حرام ہے ورنہ میرا تو بمبار بننے کو جی چاہتا ہے۔
وفاقی وزیر غلام سرور خان نے راولپنڈی کے حلقہ این اے 59 میں جلسے سے خطاب کرتے ہوئے تھا کہ میری سوچ تو یہ ہے کہ جہاں سارے ملک اور دین کے دشمن بیٹھے ہوں وہاں خودکش دھماکا کروں اور سب کو نیست و نابود کر دوں لیکن اسلام میں خودکشی حرام ہے۔
