لاہور کے مختلف مقامات سے سیف سٹی اتھارٹی کا لاکھوں کا سامان چوری ہو گیا۔ روزنامہ دنیا کے مطابق چرائے گئے سامان میں سیف سٹی کی لاکھوں مالیت کی ڈیوائسز، 7 لاکھ سے زائد مالیت کا یو آئی ایم اور ایس ایس، 4 لاکھ 80 ہزار مالیت کی 24 بیٹریاں، 4 لاکھ مالیت کا روٹر اور 1 لاکھ 50 ہزار کا ڈی سی ڈی وی شامل ہے۔ ذرائع کے مطابق یہ سامان داتا دربار، سلامت محلہ، ٹی بی ہسپتال، ایجوکیشن یونیورسٹی، ریٹی گن روڈ اور گامے شاہ سے چوری کیا گیا۔
حکام کو اس چوری کا پتہ سروے کے دوران چلا جس کے بعد تھانہ داتا دربار میں مقدمہ درج کروانے کے لیے درخواست جمع کروا دی گئی ہے۔
