عمران خان پر تنقید کرتے ہوئے سابق وزیرِ دفاع خواجہ آصف نے کہا ہے کہ مجھے اس کی توشہ خانہ کی کہانیاں سناتے ہوئے بھی شرم آتی ہے۔4سال تک ملک کا نقصان کرکے جنہوں نے تجربہ کیا۔ ان کا احتساب کرنا ہوگا۔
سیالکوٹ میں ورکرز کنونشن سے خطاب کے دوران ن لیگی رہنما خواجہ آصف نے کہا کہ معیشت 2 سال میں نہ صرف کھڑی کریں گے، بلکہ بھاگنے لگے گی۔ نواز شریف چوتھی بار وزیر اعظم بننے والے ہیں۔
خواجہ آصف نے کہا کہ کراچی سے پشاور تک ہر زبان پر یہ آچکا ہے کہ نواز شریف وزیر اعظم بننے والے ہیں۔ 4سال تک ملک کا نقصان کرکے جنہوں نے تجربہ کیا۔ ان کا احتساب کرنا ہوگا۔ پارٹی کے لوگوں نے کرپشن پر پورے ٹبر کو لگا رکھا تھا۔
خواجہ آصف نے کہا کہ ملک کی سب سے بڑی عدالت عوامی عدالت ہے۔ 8 فروری کو عام انتخابات کے موقعے پر فیصلہ عوام نے ہی کرنا ہے۔ مہنگائی تو ختم ہوجائے گی لیکن اخلاقی روایات کو ٹھیک کیسے کیا جائے؟
سابق وزیرِ دفاع نے کہا کہ پاکستان تحریکِ انصاف کے جلسوں کے دوران نوجوانوں کو صرف بدتمیزی اور بد اخلاقی سکھائی گئی۔ نوجوانوں کے ساتھ 4سال تک جو ہوا۔ وہ سب کے سامنے آچکا ہے۔ نسلیں بگڑ جائیں تو سنوارتے سنوارتے وقت لگتا ہے۔