پشاور مدرسے میں بم دھماکے کے بعد پنجاب اور اسلام آباد میں ہائی الرٹ ہو چکا ہے جبکہ اسلامک یونیورسٹی کو ایک ہفتے کیلئے بند کر دیا گیا ہے۔ ذرائع نے دعوی' کیا ہے کہ ضلعی انتظامیہ نے دہشتگردی کے باعث الرٹ جاری کیا ہے۔ ذرائع کے مطابق سیکیورٹی خدشات کے باعث یونیورسٹی فوری طور پر خالی کروا لی گئی ہے جبکہ ملک اور وفاقی دارالحکومت اسلام آباد میں خطرے کی گھنٹی بجنے کے بعد کاؤنٹر ٹیررزم ڈپارٹمنٹ نے ہنگامی میٹنگ بلالی ہے۔ آئی جی اسلام آباد عامر ذولفقار خان نے اسلام آباد میں ناکوں پر سیکیورٹی مزید سخت کرنے کا عندیہ دیا ہے۔
انسداد دہشت گردی کے زرائع نے نیا دور میڈیا کو بتایا کہ یونیورسٹی بند کرنے کا بنیادی مقصد اسلام آباد کی سیکیورٹی محفوظ بنانی ہے تاکہ یونیورسٹی کے اندر ایک سرچ آپریشن کیا جاسکے مگر دوسری جانب یونیورسٹی حکام کا کہنا ہے کہ یونیورسٹی کو صرف کورونا وائرس کی وجہ سے بند کیا گیا ہے.
