باپ اور بیٹے پر حملے کی پاداش میں ریچھ کو اقدام قتل کے مقدمے کے تحت موت کی سزا

قانون کو بھی آئے روز انوکھے معاملات سے نبر آزما ہونا پڑا ہے اور ایسا ہی ایک واقعہ اب سامنے آیا ہے جس میں ایک ریچھ پر اقدام قتل کا مقدمہ کیا گیا تھا جس کے تحت اسے پھانسی کی سزا دی گئی ہے۔

  غیر ملکی خبر رساں ادارے کے مطابق اٹلی کے شمالی علاقے ٹرینٹینو میں ماؤنٹ پیلر کے راستے پر 28 سالہ لڑکے اور اس کے باپ پر اچانک ریچھ نے حملہ کردیا جس سے دونوں زخمی ہوگئے۔

اس واقعے کے بعد باپ بیٹے پر حملہ کرنے والے ریچھ پر مقدمہ قائم کیا گیا اور ڈی این اے کے ثبوتوں کی روشنی میں  ریچھ کو موت کی سزا سنا دی گئی۔