پی ٹی آئی کارکنان کی جانب سوشل میڈیا پر ایک پوسٹ شئیر کی جارہی ہے۔ جس میں لکھا گیا ہے کہ نیویارک ہیرلڈ نے اپنی ویب سائٹ پر ایک کارٹون شئیر کیا جس میں تاثر دیا گیا کہ پاکستانی عدلیہ کے فیصلوں پر امریکہ کی جانب سے انہیں سراہا جارہا ہے۔
پی ٹی آئی کی سینئر رہنما شیریں مزاری نے بھی ٹوئٹر پر 'نیویارک ہیرالڈ' کا یہ جعلی کارٹون شیئر کیا۔ کارٹون میں دکھایا گیا ہے کہ 'انکل سام' ایک پاکستانی جج کو عمران خان کے خلاف عدم اعتماد کے ووٹ کی کامیابی پر تھپکی دے رہے ہیں۔
https://twitter.com/nayadaurpk/status/1520325037450055680
فیکٹ چیک کی طرف سے کہا گیا ہے کہ یہ تصویر ایڈٹ کی گئی ہے اور حقیقت میں یہ تصویر منٹ پریس نیوز نامی ویب سائٹ نے شائع کی تھی جب کہ اس کا پاکستان سے کوئی تعلق نہیں بلکہ یہ کارٹون وکی لیکس کے بانی جولین اسانچ کو سزا ملنے کے بعد کارلس لوٹف امریکی عدلیہ کے خلاف بنایا تھا۔
https://twitter.com/BasicFactCheck/status/1520331646439993344
خیال رہے کہ نیویارک ہیرالڈ کو 1924 میں بند کر دیا گیا تھا۔
