پاکستان پیپلز پارٹی کی اہم رہنما پلوشہ خان کا سماجی رابطوں کی ویب سائٹس پر زیرِگردش بیان تیزی سے وائرل ہو رہا ہے۔ پلوشہ خان نے اپنے ویڈیو بیان میں پاکستان تحریک انصاف کے حکومتی عہدیداران اور رہنماؤں کو انتہائی نامناسب انداز میں تنقید کا نشانہ بنایا ہے۔
ویڈیو میں رہنما پیپلز پارٹی پلوشہ خان کو یہ کہتے ہوئے سنا جا سکتا ہے کہ وفاقی حکومت نے آج درجن بھر پاگل کتے سندھ پر چھوڑ دیے ہیں، ویسے تو پاگل کتوں کے تدارک کے لیے ہمارے پاس وافر مقدار میں زہر کی گولیاں ہیں، لیکن میں ان کے مالکان کو یہ بتانا چاہتی ہوں کہ پاگل کتے کسی وقت بھی پلٹ کر اپنے ہی مالک کو بھی کاٹ لیتے ہیں۔ لہٰذا اس وقت کا خیال رکھیے جب یہی کتے پلٹ کر آپ کے دامن کو بھنبھور دیں۔
پیپلزپارٹی کی رہنما کے اس بیان کی سوشل میڈیا پر مذمت کی جا رہی ہے اور ان کی جانب سے نامناسب الفاظ کے چناؤ پر تنقید کا نشانہ بھی بنایا جا رہا ہے۔
“ وفاقی حکومت نے آج درجن بھر پاگل کتے سندھ پر چھوڑ دئیے ہیں”
پیپلزپارٹی کی رہنما پلوشہ خان کی جانب سے حکومتی وزراء اور رہنماؤں سے متعلق سخت زبان کا استعمال pic.twitter.com/NlY2EMSn9o
— NayaDaur Urdu (@nayadaurpk_urdu) May 2, 2020
واضح رہے کہ وفاق میں پاکستان تحریک انصاف کی حکومت ہے جبکہ سندھ میں پاکستان پیپلزپارٹی کی حکومت ہے اور دونوں جماعتیں ایک دوسرے کے خلاف سیاسی پوائنٹ سکورنگ کا کوئی موقع ہاتھ سے جانے نہیں دیتیں۔ حالیہ کچھ عرصے میں وفاق اور سندھ حکومت کے تعلقات کافی خراب ہوئے ہیں اور دونوں جانب سے سخت جملوں کا تبادلہ ہوتا رہتا ہے۔