پاکستان سے لے کر امریکہ، کینیڈا، جرمنی، سری لنکا اور برطانیہ تک، جی ڈی پی نمبروں کی تصویر تاریک نظر آتی ہے۔ ترقی یافتہ ممالک کی اقتصادی کارکردگی نے بہت سے سرمایہ کاروں کو یہ سوال کرنے پر اکسایا ہے کہ کیا واقعی کساد بازاری واقع ہوئی ہے؟ کیونکہ بہت سے خاندانوں اور کمپنیوں کے لیے، افراط زر موجود ہے۔
گذشتہ اٹھارہ مہینوں کے دوران، متعدد عوامل نے مل کر عالمی معیشت کے لیے ایک زہریلا مرکب پیدا کیا ہے، جیسا کہ امریکہ نے کورونا وائرس کے دوران اپنی معیشت کو بہت زیادہ متحرک کیا، جس کی وجہ سے افراط زر ناصرف اپنی سرحدوں کے اندر، بلکہ باہر بھی دیکھا گیا۔
اس کے علاوہ چین کی جانب سے لاک ڈاؤن کے ذریعے کورونا وائرس کی وبا کو روکنے کی کوششوں نے بھی ان مسائل کو مزید بڑھا دیا ہے۔ پھر یہ کہ یوکرین پر روسی حملے ی وجہ سے اشیاء کی قیمتوں میں اضافہ ہوا۔
اس کے بعد آنے والی افراط زر کے جواب میں، دنیا بھر کے مرکزی بینکوں نے رواں سال اب تک شرح سود میں 1.5 فیصد اضافہ کیا ہے، جس کی وجہ سے سٹاک مارکیٹیں مندی کا شکار ہیں۔
یونیورسٹی آف ناٹنگھم بزنس سکول کے پروفیسر حفیظ عبدو کے مطابق جمود کے کئی آثار ہیں۔ ان میں سے پہلی وجہ صارفین کی قوت خرید میں کمی ہے۔ فرد کی قوت خرید کی کمزوری حکومتوں کی قوت خرید کی کمزوری کے ساتھ ساتھ ممالک کی عمومی پیداوار کی کمزوری کا باعث بنتی ہے۔ دوسری بات یہ ہے کہ جنگیں ہیں: جیسے یمن کی جنگ، یا یوکرین پر روسی جنگ۔
امریکہ کے امریکی فیڈرل ریزرو نے چوتھی بار شرح سود میں تین چوتھائی فیصد اضافہ کیا۔ امریکی صدر جو بائیڈن نے اس بات کی تردید کی کہ ان کے ملک کو کسی کساد بازاری کا سامنا ہے، حالانکہ وہاں روزگار کی شرح اب بھی 3.6 فیصد پر ہے۔
یورپی ماہرین کا خیال ہے کہ ماسکو کی جانب سے اس موسم سرما میں جرمنی کو گیس کی فراہمی میں کٹوتی کا اعلان مؤخر الذکر کو کساد بازاری کی طرف دھکیل سکتا ہے اور اس سے ان صارفین کے لیے قیمتیں بڑھ سکتی ہیں جو پہلے ہی خوراک اور توانائی کی بلند قیمتوں کا شکار ہیں۔
برطانیہ میں، اس موسم سرما میں افراط زر کی شرح 15 فیصد تک پہنچ سکتی ہے، اور بینک آف انگلینڈ اشارہ دے رہا ہے کہ وہ افراط زر کو ٹھنڈا کرنے کے لیے شرح سود میں تیزی سے اضافے پر غور کر رہا ہے۔
