نگران وزیر اعلیٰ پنجاب محسن نقوی نے صوبہ بھر کے اضلاع میں خراب واٹر فلٹریشن پلانٹس کو فوری مرمت کرکے چلانے کا فیصلہ کیا ہے۔
ترجمان پنجاب حکومت کا کہنا ہے کہ پنجاب بھر کے تمام اضلاع میں 475 واٹر فلٹریشن پلانٹس کو فوری فعال کیا جائے گا۔ وزیراعلیٰ نے پنجاب کے تمام اضلاع کے ڈپٹی کمشنرز کو فلٹریشن پلانٹس کی بحالی کے انتظامات کی ہدایات جاری کردی ہیں۔
ہدایات کے مطابق 5 سے 20 مئی کے دوران فلٹریشن پلانٹس کی بحالی کا کام مکمل کر دیا جائے گا۔
انہوں نے مزید بتایا کہ بند فلٹریشن پلانٹس کی بحالی پر حکومتی خزانے سے ایک پائی بھی خرچ نہیں ہوگی۔ بند واٹر فلٹریشن پلانٹس کو مخیر حضرات کے تعاون سے بحال کیا جائے گا۔ گورنمنٹ اور پرائیویٹ سیکٹر کے تمام بند واٹر فلٹریشن پلانٹس کو 15 دن میں بحال کیا جائے گا جس کا بنیادی مقصد عام عوام کو پینے کے لیے صاف پانی فراہم کرنا ہے۔ پلانٹس کی بحالی سے تقریباً 40 لاکھ لوگوں کو پینے کا صاف پانی دستیاب ہو گا۔
حسن نقوی تحقیقاتی صحافی کے طور پر متعدد بین الاقوامی اور قومی ذرائع ابلاغ کے اداروں سے وابستہ رہے ہیں۔ سیاست، دہشت گردی، شدت پسندی، عسکریت پسند گروہ اور سکیورٹی معاملات ان کے خصوصی موضوعات ہیں۔ آج کل بطور پولیٹیکل رپورٹر ایک بڑے نجی میڈیا گروپ کے ساتھ منسلک ہیں۔