بھارتی ریاست ہریانہ کے وزیرداخلہ مقامی ویکسین لینے کے باوجود کچھ دنوں بعد کرونا وائرس کا شکار ہوگئے۔ محکمہ صحت کے حکام شک کر رہے ہیں کہ یہ اسی ویکسین کے نتیجے میں ہوا۔
دنیا بھر میں کرونا کی عالمی وبا سے نمٹنے کے لیے ویکسین کی کوششیں جاری ہیں اور کئی بڑی دوا ساز کمپنیاں ویکسین کی جانچ کے تیسرے یعنی آخری مرحلے میں ہیں۔
خیال رہے کہ بھارت بائیوٹیک ، آئی سی ایم آر کے ساتھ مل کر "کوویکسن" کے نام سے کرونا ویکسین تیار کرنے کی کوشش کر رہا ہے اور اس کی جانچ کا عمل تیسرے مرحلہ میں ہے۔
بھارتی میڈیا رپورٹس کے مطابق ہریانہ کے وزیرداخلہ انل وج کو گزشتہ 20 نومبر کو اسی دیسی ویکسین کے تیسرے مرحلہ کا پہلا ٹیکہ لگایا گیا تھا۔