بھارت کا چاند کی سطح پر اترنے کا خواب ایک مرتبہ پھر ادھورا رہ گیا، چاند کے مخالف حصے کی طرف بھیجے گئے مشن ’’ چندریان 2‘‘ کا زمینی اسٹیشن سے رابطہ منقطہ ہوگیا ہے۔
تفصیلات کے مطابق خلائی تحقیق کے بھارتی ادارے ’’اِسرو‘‘ کی جانب سے چاند پر بھیجا گیا مشن ناکام ہو گیا ہے۔ چندریان 2 مشن اپنے پورے سفر میں ٹھیک کام کرتا رہا لیکن جب اس کی چاند گاڑی ’’وکرم‘‘ نے چاند کی سطح پر اترنا شروع کیا تو صرف 2100 میٹر کی اونچائی رہ جانے پر اچانک ہی اس کا رابطہ زمینی مرکز سے منقطع ہوگیا۔ اس کے بعد سے اب تک چندریان 2 کا رابطہ منقطع ہے۔
چاند پر لینڈنگ کا منظر دیکھنے کے لیے بھارتی وزیراعظم مودی بھی اسپیس ایجنسی کے ہیڈ کوارٹر میں تھے، جب انہیں بتایا گیا کہ سگنل منقطع ہوگیا ہے تو مودی مایوس ہو کر وہاں سے چلے گئے۔
22 جولائی 2019 کو روانہ ہونے والا چندریان 2 اسپیس مشن 20 اگست 2019 کو چاند کے گرد اپنے مقرر کردہ مدار میں داخل ہوا۔ بھارتی وقت کے مطابق اس کے مون لینڈر وکرم کو رات ڈیڑھ بجے سے ڈھائی بجے کے درمیان چاند کے جنوبی قطب پر اُترنا تھا لیکن ایسا نہیں ہوا۔ اس مشن پر 978 کروڑ بھارتی روپے لاگت آئی ہے۔
خلائی مشن کی ناکامی پر بھارتی اسپیس ایجنسی کے سربراہ جذباتی ہو کر آبدیدہ ہوگئے جس کے بعد بھارتی وزیراعظم انہیں تسلیاں دیتے رہے۔
"There are ups and downs in life. This is not a small achievement. You’ve done a great job and the country is proud of you", PM @narendramodi tells @isro scientists
Read here: https://t.co/B3cTfRQV1C#Chandrayaan2Live #Chandrayaan2Landing #ISRO pic.twitter.com/mBQI1aiDOD
— Hindustan Times (@htTweets) September 6, 2019
برطانوی نشریاتی ادارے بی بی سی کے مطابق بھارت کا چاند مشن بظاہر ناکام ہوگیا ہے، وہ چاند کے قطب جنوبی پر لینڈنگ کرنے والا پہلا ملک بننا چاہتا تھا۔ اس سے قبل 2008 میں بھی بھارت کا چاند مشن ناکام ہوگیا تھا جب کہ امریکا، روس اور چین چاند کی سطح پر کامیاب لینڈنگ کر چکے ہیں۔
پاک فوج کے ترجمان میجر جنرل آصف غفور نے بھارتی خلائی مشن چندریان کی ناکامی پر ٹویٹ میں انڈین اسپیس ریسرچ آرگنائزیشن کو تنقیدی شاباشی دیتے ہوئے کہا کہ چندریان کی ناکامی کا الزام اب بھارت کس کو دے گا، کیا ناکامی کی وجہ مقبوضہ کشمیر کے معصوم عوام یا آئی ایس آئی ہے۔
Well done @isro
Who to blame:
1. Under siege innocent Kashmiris of IOJ&K?
2. Muslims & minorities of endia?
4. Sane anti hindituva voices of endia?
4. ISI?
hindituva will take you nowhere, let alone moon.
For another stream of lies & fake claims see replies!#AnotherVirChakar
— Asif Ghafoor (@peaceforchange) September 6, 2019
بھارت کی اس ناکامی پر پاکستان کے وفاقی وزیر سائنس و ٹیکنالوجی فواد چوہدری بھی میدان میں ہیں۔ انہوں نے بھارتیوں کو آڑے ہاتھوں لیتے ہوئے کہا ہے کہ بھائی ہم نے کہا تھا 900 کروڑ لگاؤ ان نالائقوں پر؟ اب صبر کرو اور سونے کی کوشش کرو۔
ہندوستان کو مشورہ ہے،بغیر سوچے سمجھے چندرائین جیسے مشن بنانے یا ابھینندن جیسوں کو لائن آف کنٹرول پار چائیے پینے بھیجنے جیسے منصوبوں پر پیسہ لٹانےکی بجائے اپنے لوگوں کوغربت سے باہر نکالنے پر پیسے لگائیں، کشمیر بھارت کا ایک اور چندرائین ہو گااوررقیمت چندرائین سے کئ گنا زیادہ ہوُگی۔
— Ch Fawad Hussain (@fawadchaudhry) September 7, 2019
Surprised on Indian trolls reaction, they are abusing me as I was the one who failed their moon mission, bhai hum ne kaha tha 900 crore lagao in nalaiqoon per? Ab sabr kero aur sonah ki koshish kero #IndiaFailed
— Ch Fawad Hussain (@fawadchaudhry) September 6, 2019