دو ناکامیوں کے بعد بھارت کا تاریخی خلائی مشن ' چندریان 3 ' آج چاند کی سطح پر لینڈ کر گیا۔ مشن کی کامیاب لینڈنگ کے بعدانڈیا چاند کے قطب جنوبی حصے پر اترنے والا دنیا کا پہلا ملک بن گیا۔
بھارتی خلائی ادارے ( انڈین سپیس ریسرچ آرگنائزیشن - اسرو) نے چندریان 3 کے چاند پر لینڈ کرنے کی تصدیق کرتے ہوئے بھارتیوں کو اس تاریخی کامیابی پر مبارکباد دی۔
Chandrayaan-3 Mission:
— ISRO (@isro) August 23, 2023
'India????????,
I reached my destination
and you too!'
: Chandrayaan-3
Chandrayaan-3 has successfully
soft-landed on the moon ????!.
Congratulations, India????????!#Chandrayaan_3#Ch3
چندریان 3 مشن 14 جولائی کو دوپہر 2 بجے آندھرا پردیش کے ستیش دھون سپیس سینٹر سے ایل وی ایم 3 راکٹ کے ذریعے لانچ کیا گیا تھا۔ جبکہ بھارتی سپیس ایجنسی کی جانب سے کہا گیا تھا کہ یہ 23 اگست کو چاند کی سطح پر اترے گا۔
چندریان تھری مشن ایک خلائی جہاز، چاند گاڑی اور روور کے ساتھ چاند کی جانب بھیجا گیا تھا۔
چندریان مشن چاند کے مدار میں 5 اگست کو داخل ہوا تھا۔ گزشتہ روز انڈین سپیس ریسرچ آرگنائزیشن ( اسرو) کی جانب سے چاند کے تاریک حصے کی نئی تصاویر جاری کی گئیں تھیں۔ یہ تصاویرچاند کے قطب جنوبی میں اترنے کے لیے بھیجے گئے چندریان 3 مشن نے کھینچی تھیں۔
Chandrayaan-3 Mission:
— ISRO (@isro) August 21, 2023
Here are the images of
Lunar far side area
captured by the
Lander Hazard Detection and Avoidance Camera (LHDAC).
This camera that assists in locating a safe landing area -- without boulders or deep trenches -- during the descent is developed by ISRO… pic.twitter.com/rwWhrNFhHB
چاند کے اس حصے کے بارے میں اب تک سب سے کم معلومات اکٹھی کی جا سکی ہیں۔ چاند کے جنوبی قطب میں پہاڑیوں کے باعث چندریان 3 کی لینڈنگ کافی مشکل ہوگی۔
یہ تصاویراس کیمرے نے کھینچی ہیں جو لینڈرکو چاند کی سطح پر اترنے کے لیے محفوظ مقام تلاش کرنے میں مدد فراہم کرے گا۔
نئی تصاویر اس وقت جاری کی گئی ہیں جب روس کا سپیس کرافٹ لونا 25 تکنیکی مسائل کے باعث چاند کی سطح پر گر کر تباہ ہوگیا۔
واضح رہے کہ بھارت اور روس کے درمیان چاند کے قطب جنوبی میں سب سے پہلے مشن اتارنے کا مقابلہ ہو رہا تھا۔جس میں روسی سپیس کرافٹ کو ناکامی کا سامنا ہوا۔
اسرو کی جانب سے لونا 25 مشن کی ناکامی کے بعد 21 اگست کو تصاویر جاری کرتے ہوئے بتایا گیا کہ چندریان 3 مشن آج چاند پر اترنے کے لیے تیار ہے۔
Chandrayaan-3 Mission:
— ISRO (@isro) August 23, 2023
All set to initiate the Automatic Landing Sequence (ALS).
Awaiting the arrival of Lander Module (LM) at the designated point, around 17:44 Hrs. IST.
Upon receiving the ALS command, the LM activates the throttleable engines for powered descent.
The… pic.twitter.com/x59DskcKUV
بھارت کی جانب سے 4 برسوں کے دوران چاند پر اترنے کی دوسری کوشش کی گئی جس میں کامیابی حاصل ہوئی۔اس سے قبل 2019 میں چندریان 2 مشن کا آربٹر کامیابی سے چاند کے مدار میں داخل ہوگیا تھا۔ مگر لینڈر گر کر تباہ ہوگیا۔
اب تک صرف امریکا، چین اور روس چاند پر مختلف مشنز کامیابی سے اتار چکے ہیں۔ امریکہ اور روس دونوں کے چاند پر کامیابی سے اترنے سے پہلے کئی خلائی جہاز گر کر تباہ ہو چکے ہیں۔ چین واحد ملک ہے جو 2013 میں چانگ ای 3 مشن کے ساتھ اپنی پہلی کوشش میں کامیاب ہوا۔ چندیارن 3 کی کامیابی کے بعدبھارت چوتھا ملک بن گیا ہے۔