ورلڈ ہیلتھ آرگنائزیشن کرونا کے خلاف عالمی کوششوں کی نگرانی کر رہا ہے اور مختلف ممالک کو اس موذی وائرس سے بچنے کے لئے مدد فراہم کر رہا ہے۔ ایسے میں اب عالمی ادارہ صحت نے ایران سے متعلق انکشاف کرتے ہوئے کہا ہے کہ ایرانی حکومت بڑے پیمانے پر مریضوں اور ہلاکتوں کے اعداد و شمار کو چھپا رہی ہے۔
عالمی ادارہ صحت نے بتایا یے کہ ایران میں حکومتی اعداد و شمار اصل اعداد و شمار سے کم ازکم 5 گنا کم ہیں۔ اسکی وجہ یہ بتائی جا رہی ہے کہ حکومت تمام افراد کے ٹیسٹ کرنے کی بجائے صرف اور صرف شدید بیمار افراد کا ٹیسٹ کر رہی ہے۔
عالمی ادارہ صحت کی جانب سے اس صورتحال کو خوفناک قرار دیا گیا ہے۔
