نیشنل پریس کلب اسلام آباد میں پریس کانفرنس کرتے ہوئے نجی تعلیمی اداروں کی نمائندہ تنظیم کے عہدیداروں نے کہا حکومت سکولز کھولنے کے فیصلے کو اپنے ساتھ ٹکراو نہ سمجھے، حکومت فوری طور پر ایس او پیز کے تحت سکولوں اور مدارس کو کھولنے کا اعلان کرے، بہ صورت دیگر ملک بھر کے نجی تعلیمی ادارے بچوں کی تعلیم میں ہونے والے حرج سے بچنے کیلئے ازخود پندرہ اگست سے کھول دینگے۔
حکومت کی تعلیم کے حوالے سے غیر سنجیدہ روش کے باعث نیشنل ایکشن کمیٹی تشکیل دی ہے جو قومی، صوبائی اور ضلعی سطح پر کام کرے گی،اگر حکومت نے نجی تعلیمی ادارے کھولنے میں رکاوٹ ڈالنے کی کوشش کی تو ملک بھر میں شدید احتجاج کیا جائیگا۔
یاد رہے کہ حکومت نے شادی ہالز اور تعلیمی اداروں کو کھولنے کا معاملہ اگلے ماہ تک موخر کیا تھا۔
