پاکستان تحریک انصاف کے خلاف فارن فڈنگ کیس میں نیا موڑ آگیا ہے جس میں تحریک انصاف نے اپنے پہلے کے قانونی موقف میں تبدیلی کی ہے اور بظاہر اس امر سے اختلاف نہیں کیا ہے کہ پارٹی کو غیر قانونی فنڈنگ ہوئی ہے بلکہ اسکی توجیہ پیش کی گئی ہے۔ اس کے مطابق پارٹی نے کہا ہے کہ اگر غیر قانونی فنڈنگ پارٹی کو ہوئی ہے تو اسکے ذمہ دار امریکی ایجنٹ ہیں جنہوں نے پارٹی کے چئیرمین ( کیس کے مرکزی فریق) کو بتائے بغیر ایسا کیا۔ یاد رہے کہ وزیر اعظم عمران خان کے بطور پارٹی چیرمین کے دستخطوں سے ہی دو امریکی آف شور کمپنیاں وجود میں آئیں تھیں اور ان کے ذریعے پارٹی کو فنڈنگ ہوئی۔ اس سے تحریک انصاف نے اپ لاتعلقی کا اظہار کرتے ہوئے تمام الزام امریکی ایجنٹ پر ڈال دیا ہے۔
اہم نکتہ یہ ہے کہ پارٹی نے غیر قانونی بیرونی فنڈنگ سے انکار نہیں کیا۔
یاد رہے کہ یہ کیس الیکشن کمیشن میں سنا جا رہا ہے جب کہ اس کے مدعی تحریک انصاف کے بانی کارکن اکبر ایس بابر ہیں۔ جب کہ یہ کیس گزشتہ چھے سالوں سے زیر سماعت ہے۔ تاہم اسے اب تیز تر بنیادوں پر سنا جا رہا ہے۔
