میں امید ہی کر سکتا ہوں کہ ڈی جی آئی ایس پی آر کی پریس کانفرنس سے عمران خان کے بیانیہ کو فرق پڑے گا لیکن وہی ایک ایسے شخص ہیں جس نے مسلسل ایک غلط قسم کے بیانیے کو تقویت دی، عامر غوری
عمران خان کے اس غلط بیانیے کے مدمقابل آج پاک فوج، ہماری عدلیہ اور پارلیمنٹ کھڑی ہو چکی ہے لیکن وہ کسی ادارے کی بات کو سرے سے ہی تسلیم کرنے کو تیار نہیں ہیں۔ انہوں نے دوبارہ سے وہ کام شروع کر دیا ہے جو وہ سالوں سے کرتے چلے آ رہے ہیں، عامر غوری
عمران خان کے بیانیے کو ٹویٹر کے ٹرینڈز اور بڑے بڑے جلسے کو تقویت مل رہی ہے وہ سمجھتے ہیں کہ اس طرح پریشر ڈال کر وہ نئے انتخابات کرواسکتے ہیں۔ عمران خان کا یہ بیانیہ آج ثابت ہوگیا یہ بیانیہ نہیں جھوٹ پر مبنی پروپیگنڈا ہے، عنبر شمسی
آرمی چیف جنرل قمر جاوید باجوہ کی ریٹائرمنٹ کے بعد عمران خان باقاعدہ اپنی تقریروں اور بیانات میں ان کا نام لینا شروع کر دینگے اور اس مبینہ سازش میں انھیں حصہ دار ٹھہرائیں گے۔ ماضی میں دیکھا جائے تو انہوں نے جنرل اشفاق پرویز کیانی کو بھی معاف نہیں کیا تھا، توصیف احمد خان