مسلم لیگ ن کی رہنما حنا پرویز بٹ نے الیکشن کمیشن کے فیصلے پر اپنا ردعمل دیتے ہوئے اپنے سیاسی مخالفین سے کہا ہے کہ تحریک انصاف کی امیدوں پر پانی پھرے گا، فکر نہ کریں، وزیراعلیٰ حمزہ شہباز شریف ہی رہیں گے۔
https://twitter.com/hinaparvezbutt/status/1527594547886411776?s=20&t=LvPJJBbZQ08suzSJqWzlmw
سماجی رابطوں کی ویب سائٹ ٹویٹر پر جاری اپنے بیان میں حنا پرویز بٹ نے لکھا کہ کچھ دن پہلے الیکشن کمیشن کو گالیاں دینے والا بے شرم انسان آج اسے خراج تحسین پیش کر رہا ہے۔ ان کی بھی زندگی زندگی نہیں شرمندگی ہے۔
https://twitter.com/MaizaHameedMNA/status/1527595902956978184?s=20&t=vlPfkzLBbkiVeGNOyY8Gyw
ن لیگ کی ایک اور رہنما مائزہ حمید گجر نے بھی اس معاملے پر اپنا ردعمل دیا اور ٹویٹ میں لکھا کہ تحریک انصاف کی جہالت دیکھیے اپنے 25 ارکان ڈی سیٹ کروا کے جشن منا رہے ہیں، ان احمقوں کو بتائیں وزیراعلٰی پنجاب حمزہ شہباز ہی رہے گا۔
یہ بھی پڑھیں:عمران خان کا واحد احسان بھی میرے سر سے اتر گیا جو سیٹ دے کر کیا گیا: علیم خان
پی ٹی آئی کے ڈی سیٹ رکن پنجاب اسمبلی علیم خان نے الیکشن کمیشن کے فیصلے کے بعد اپنے ردعمل میں کہا ہے کہ جو احسانات میں نے عمران خان پر کئے، ان کا معاملہ میں نے اللہ تعالیٰ کی ذات پر چھوڑ دیا ہے۔
سماجی رابطوں کی ویب سائٹ ٹویٹر پر جاری اپنے بیان میں ان کا کہنا تھا کہ اللہ کا شکر ہے کہ آج وہ واحد احسان بھی میرے سر سے اتر گیا جو صوبائی اسمبلی کی سیٹ کی صورت میں مجھ پر کیا گیا تھا۔
https://twitter.com/abdul_aleemkhan/status/1527605292422565888?ref_src=twsrc%5Etfw%7Ctwcamp%5Etweetembed%7Ctwterm%5E1527605292422565888%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F87470%2Faleem-khan-imran-khan-election-commission-hamza-shahbaz%2F
علیم خان نے اپنی ٹویٹ میں لکھا کہ باقی رہا وہ 10 سال کے احسانات کا معاملہ جو میں نے عمران خان کی ذات اور پی ٹی آئی پر کئے اُس کو میں نے اللہ پر چھوڑ دیا ہے کیونکہ اللہ بہترین انصاف کرنے والا ہے۔
دوسری جانب الیکشن کمیشن کے فیصلے پر ردعمل دیتے ہوئے تحریک انصاف کے رہنما فواد چوہدری کا کہنا ہے کہ آج پنجاب کی امپورٹڈ حکومت اب عملی طور پر ختم ہو چکی ہے۔ ’نام نہاد وزیرِاعلیٰ حمزہ شہباز کوئی شرم کریں اور آج الیکشن کمیشن کے فیصلے کے بعد فوری استعفیٰ دیں۔ کوئی ایک ایسی روایت چھوڑیں جس پر انھیں کوئی تو مثبت کمنٹ دیا جا سکے۔
https://twitter.com/fawadchaudhry/status/1527593370398380033?ref_src=twsrc%5Etfw%7Ctwcamp%5Etweetembed%7Ctwterm%5E1527593370398380033%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F87470%2Faleem-khan-imran-khan-election-commission-hamza-shahbaz%2F
رہنما تحریک انصاف بابر اعوان نے بھی اس معاملے پر اپنا ردعمل دیا اور ٹویٹ میں لکھا کہ سپریم کورٹ کے فیصلے کے بعد امپورٹڈ شوباز اور ابنِ شوباز کا اخلاقی جواز ختم ہوا۔ الیکشن کمیشن کے فیصلے بعد قانونی جواز بھی ختم۔ اگر کوئی تھوڑی بہت بھی شرم یا حیا ہے تو فوری استعفٰی دے کر، الیکشن میں آئیں۔
https://twitter.com/BabarAwanPK/status/1527595686468153344?ref_src=twsrc%5Etfw%7Ctwcamp%5Etweetembed%7Ctwterm%5E1527595686468153344%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F87470%2Faleem-khan-imran-khan-election-commission-hamza-shahbaz%2F
