Thu, May 02, 2024

چین نے کرونا کی ویکسین تیار کر لی ہے اور جلد پاکستان کو بھی مہیا کی جا رہی ہے، میجر جنرل عامر اکرام

چین نے کرونا کی ویکسین تیار کر لی ہے اور جلد پاکستان کو بھی مہیا کی جا رہی ہے، میجر جنرل عامر اکرام
شیئر کریں:
کرونا وائرس کے علاج کے حوالے سے اب تک کی سب سے اہم پیش رفت سامنے آ گئی۔ چین نے کرونا وائرس کی ویکسین تیار کر لی ہے اور یہ ویکسین جلد پاکستان کو بھی مہیا کی جا رہی ہے۔

نجی ٹی وی چینل 92 نیوز کے پروگرام میں گفتگو کرتے ہوئے میجر جنرل ڈاکٹر عامر اکرام نے بتایا کہ چین نے کرونا وائرس کی ویکسین تیار کر لی ہے اور ویکسین کلینیکل ٹرائل کے لئے پاکستان کو بھی دی جا رہی ہے۔

ڈائریکٹر نیشنل انسٹی ٹیوٹ آف ہیلتھ ڈاکٹر عامر اکرام نے مزید بتایا کہ چین میں کلینیکل ٹرائلز کا آخری مرحلہ جاری ہے اور یہ دوا تین ماہ میں دستیاب ہو گی۔

ڈاکٹر عامر اکرام نے کہا کہ امید ہے اگلے تین ماہ میں یہ ویکسین پاکستان میں لانچ کر دی جائے گی اور پاکستان چین کی طرف سے فراہم کردہ ویکسین لانچ کرنے والا دنیا کا پہلا ملک ہوگا۔



واضح رہے کہ پاکستان میں اس وقت کرونا وائرس کا پھیلاؤ رو بروز تیز ہوتا جا رہا ہے اور آج بھی مزید کیسز سامنے آنے کے بعد متاثرین کی تعداد 10 ہزار 72 ہوگئی ہے جبکہ 212 افراد وائرس کے باعث انتقال کرچکے ہیں۔

ملک میں 26 فروری کو پہلا کیس سامنے آیا تھا اور 31 مارچ تک تعداد تقریباً 2 ہزار تک پہنچی۔ تاہم یکم اپریل سے لے کر اب تک اس تعداد میں 7 ہزار سے زائد مریضوں کا اضافہ ہوا ہے۔ اسی طرح اموات کی تعداد بھی اسی تیزی سے بڑھ رہی ہے اور ملک میں ہونے والی مجموعی اموات میں پہلے 100 اموات 28 دن میں ہوئیں جبکہ باقی 100 سے زائد اموات صرف 7 دن میں ریکارڈ کی گئیں۔

ٹیگز: پاکستان پہلا ملک, کرونا کا علاج, کرونا کی ویکسین, کووڈ 19

نیا دور