وفاقی وزیر خزانہ مفتاح اسماعیل اپنے عہدے سے باضابطہ طور پر مستعفی ہو گئے

اسلام آباد: وفاقی وزیر خزانہ مفتاح اسماعیل نے اپنے عہدے سے باضابطہ طور پر استعفیٰ دے دیا ہے۔ انہوں نے اپنا تحریری استعفیٰ وزیراعظم شہباز شریف کو بھجوا دیا ہے۔ اس سے قبل وہ زبانی طور پر اپنے عہدے سے مستعفی ہو چکے تھے۔

وزیراعظم کے نام اپنے استعفے میں مفتاح اسماعیل نے تحریر کیا کہ آپ کی قیادت میں ملک کی خدمت کرنا باعث افتخار ہے۔ آج میں بطور وزیر خزانہ و وزیر ریونیو اپنے عہدے سے مستعفی ہو رہا ہوں۔

واضح رہے کہ سینیٹر اسحاق ڈار نواز شریف کی ہدایت پر گزشتہ روز برطانیہ سے وطن واپس آ چکے ہیں اور چند روز میں وہ ملک کے وزیر خزانہ بن جائیں گے۔