مسلم لیگ ن کی نائب صدر مریم نواز شریف نے کہا ہے کہ فرح نامی ایک خاتون ہے جس کے تانے بانے جادو ٹونے اور بنی گالہ سے ملتے ہیں۔ پنجاب میں کوئی تبدیلی، کوئی ٹرانسفر اور پوسٹنگ کروڑوں روپے کی رشوت لئے بغیر نہیں ہوتی۔
مریم نواز کا لاہور میں کارکنوں سے خطاب کرتے ہوئے کہنا تھا کہ آئندہ دنوں میں ہوش اڑا دینے والے ثبوت سامنے آئیں گے۔ صرف پوسٹنگ ٹرانسفرز کیلئے لی گئی رشوت میں 6 ارب سے زیادہ کمایا گیا۔ سب اسکینڈلز کا باپ ہے اور اس کے تانے بانے بنی گالہ سے ملتے ہیں۔
تمہارا اقتدار عوام کی بددعاؤں نے ختم کیا ہے، مریم نواز@MaryamNSharif #GeoNews pic.twitter.com/EexQvYEeSQ
— Geo News Urdu (@geonews_urdu) March 25, 2022
ان کا کہنا تھا کہ وزیراعظم عمران خان کا اقتدار عوام کی بدعائوں نے ختم کیا ہے۔ پاکستان کا جہاز اب کسی بھی وقت پرانے پاکستان میں لینڈ کر سکتا ہے۔ اللہ تعالیٰ کے شکر کے بعد اگر آج نواز شریف کی جیت کا سہرا کسی کے سر جاتا ہے تو وہ مسلم لیگ ن کا کارکن ہے۔
خیال رہے کہ اس سے قبل شہباز شریف نے بھی کچھ ایسا ہی بیان دیتے ہوئے کہا تھا کہ جو لوگ ریاست مدینہ اور امر بالمعروف کی بات کر رہے ہیں، بنی گالہ میں منوں مرغی کا گوشت جلایا جا رہا ہے، یہ بات میں پورے ذمہ داری سے بطور قائد حزب اختلاف کہہ رہا ہوں اور ثبوت موجود ہیں۔
گذشتہ روز آج نیوز کے پروگرام ” فیصلہ آپ کا” میں عاصمہ شیرازی کو انٹرویو دیتے ہوئے شہاز شریف کا کہنا تھا کہ میں یہ بات بلاخوف و تردید کہہ رہا ہوں کہ امر بالمعروف کی بات کرنے والوں کے بنی گالہ میں منوں مرغی کا گوشت جلایا جاتا ہے۔ پاکستانی عوام دال روٹی اور ان کے بچے دودھ کو ترس رہے ہیں لیکن دوسری جانب بنی گالہ میں جادو ٹونے کے لئے ایسا کام کیا جاتا ہے۔
شہباز شریف نے کہا کہ یہ لوگ ریاست مدینہ اور امر بالمعروف کی بات کرتے ہیں۔ اس پر اینکر پرسن عاصمہ شیرازی نے کہا کہ شہباز صاحب آپ یہ بڑی بات کر رہے ہیں تو اس کا جواب دیتے ہوئے لیگی صدر نے کہا کہ میں بالکل ذمہ داری کیساتھ یہ بات کر رہا ہوں۔
ان کا کہنا تھا کہ میں کسی خوف کے بغیر یہ بات ریکارڈ پر کر رہا ہوں۔ جو لوگ ریاست مدینہ اور امر بالمعروف کی بات کرتے ہیں، انھیں ایسی باتیں کرنے سے پہلے اپنے گریبان میں جھانکنا اور آئینے میں اپنا چہرہ دیکھنا چاہیے۔
اپوزیشن لیڈر شہباز شریف کا خاتونِ اوّل پر سنگین نوعیت کا الزام، وہ بھی بِلا خوف تردید۔
ویسے یاد آیا ہمیشہ عمران خان کی اہلیہ ہی کیوں ہدفِ تنقید کا نشانہ، جمائمہ کو یہی شرافت سے دور شریفوں نے یہودی کہہ کر تنقید کرتے جھوٹے کیسیز بنواتے رہے، اب جادو ٹونہ، پھر کہتے ہیں ہم خاندانی ہے۔ pic.twitter.com/F5IZEJhuG9— Nouman Khan (@inoumanspeaks) March 24, 2022
قائد حزب اختلاف نے کہا کہ اسلام میں تو جادو ٹونہ حرام ہے۔ یہودیوں نے مدینہ پاک میں اس قسم کی حرکت کی تھی۔ قران پاک میں اس قسم کی حرکتیں کرنے والوں کیلئے سخت تنبیہ کی گئی ہے۔
اس پر عاصمہ شیرازی نے کہا کہ اب یہ قائد حزب اختلاف بات کر رہے ہیں، اگر کوئی اور ایسی بات کرتا تو ہم اسے چیلنج کرتے۔ اس پر شہباز شریف نے کہا کہ میں یہاں بطور ایک ذمہ دار پاکستانی کے بات کر رہا ہوں۔
انہوں نے کہا کہ لوگ پاکستان میں بھوکوں مر رہے ہیں اور وہاں بنی گالا میں کئی من مرغی کا گوشت کسی کو کھلایا نہیں بلکہ جلایا جاتا ہے۔ اس پر عاصمہ شیرازی نے کہا کہ آپ کے پاس اس بات کا کوئی ثبوت ہے؟ تو اس پر شہباز شریف کا کہنا تھا کہ جو لوگ یہ کام کرتے ہیں وہ ثبوت کیساتھ میری بات کی تردید کردیں۔ میں نے آج تک کبھی کسی پر غلط الزام نہیں لگایا۔
ان کا کہنا تھا کہ میں اس شخص کی طرح نہیں جو دن رات جھوٹ بولتا اور دوسروں پر الزامات لگاتا ہے، اسے خدا کا خوف کرنا چاہیے۔
