فیصل آباد میں تحریک انصاف کے لانگ مارچ کے قافلے میں شامل ایک خاتون پر پنجاب پولیس کے ایس ایچ او نے پستول تان لیا، پولیس افسر خاتون کو واپس جانے کی دھمکیاں دیتا رہا۔ ویڈیو سوشل میڈیا پر وائرل ہو گئی۔
پی ٹی آئی کے سوشل میڈیا صارفین اور عوام ایس ایچ او کی اس حرکت پر شدید غم وغصے کا اظہار کر رہے ہیں۔ ایک پی ٹی آئی صارف نے تنقید کرتے ہوئے لکھا کہ کیا اس ملک میں خاتون صرف مریم نواز ہے۔ ایک آزاد ملک میں اپنے حق کیلئے باہر نکلنے پر ایس ایچ او نے پستول تان لیا، اس سے بڑی بے غیرتی کیا ہو گی۔ مر جانے کا مقام ہے، ایسے مناظر مقبوضہ ممالک میں دیکھنے کو ملتے ہیں۔
https://twitter.com/siasatpk/status/1529466876211998722?s=20&t=vROf6YjxzOyoUbAZ9J0Gnw
ایک اور صارف نے لکھا کہ اگر حکومت سمجھتی ہے کہ صرف چار پانچ ہزار بندہ ہے تو پھر پورے ملک کو کیوں مفلوج کیا ہوا ہے؟ ہٹائیں کنٹینر آنے دیں پانچ ہزار بندے اسلام آباد، کیوں پی ٹی آئی کو شرمندگی سے بچا رہے ہیں۔ پوری قوم کو دیکھائیں کہ صرف پانچ ہزار بندہ آیا ہے اسلام آباد۔
خیال رہے کہ سپریم کورٹ نے عمران خان کے لانگ مارچ کو اسلام آباد میں احتجاج کی اجازت دیتے ہوئے کہا ہے کہ حکومت تمام پی ٹی آئی کارکنوں اور وکلا کو رہا کرے جبکہ عمران خان کو گرفتار نہ کیا جائے۔
https://twitter.com/MRKGSB/status/1529467702313721856?s=20&t=vROf6YjxzOyoUbAZ9J0Gnw
سپریم کورٹ کی جانب سے حکم دیا گیا ہے کہ حکومت تحریک انصاف کو جلسے کیلئے فوری طور پر متبادل جگہ فراہم کرے۔ اس پر وفاقی وزیر داخلہ رانا ثناء اللہ کی جانب سے بیان میں کہا گیا ہے کہ ہم عدالت کے احکامات پر من وعن اور 100 فیصد عمل کریں گے۔
