ایک مشکل کاروباری ماحول، کمزور نظامت حکومت ، اور ریاست کا ہر معاملے میں ضروت سے زیادہ مداخلت ،سرمایہ کاری کی راہ میں رکاوٹ ہے، جو کہ ہم پلہ ممالک کے مقابلے میں بہت کم ہے، جبکہ ٹیکس کی بنیاد بہت ہی تنگ ہے تاکہ ٹیکس میں انصاف، مالی استحکام اور پاکستان کی بڑی سماجی اور ترقیاتی اخراجات کی ضروریات کو پورا کیا جا سکے– ”آئی ایم ایف، پاکستان کنٹری رپورٹ نمبر 24/310، اکتوبر 10، 2024“
ٹیکس محصولات کے حصول میں تبدیلی اور اضافہ یا کمی براہ راست قومی آمدنی میں ٹیکس کی پیداوار کے خودکار ردعمل کے ذریعے ہو سکتا ہے ، یا اور نئے ٹیکسوں کے نفاذ، ٹیکس کی بنیادوں پر نظرثانی یا اور موجودہ ٹیکسوں کی شرحوں میں تبدلیوں، ٹیکس معافی(tax amnesty)، سخت ٹیکس کی تعمیل اور دیگر انتظامی اقدامات کے ذریعے ، جن کو قانون کی حمایت میسر ہو۔
ٹیکس کے پیرامیٹرز (parameters) مثال کے طور پر بنیاد، شرح وغیرہ میں ترمیم کے نتیجے میں ٹیکس کی پیداوار میں ہونے والی تبدیلیوں کو صوابدیدی تبدیلیاں کہا جاتا ہے۔
خودکار ردعمل کے مشترکہ اثرات کے ساتھ ساتھ صوابدیدی تبدیلیوں سے آنے والے ٹیکس کی پیداوار میں تغیرات ٹیکس کی افزائش (buoyancy) کو تشکیل دیتے ہیں، جو ٹیکس کی پیداوار میں تناسبی (percentage)تبدیلی کو قومی آمدنی میں تناسبی تبدیلی سے تقسیم کرکے شمار کیا جاتا ہے۔
اس سلسلے میں پاکستانی تجربہ بہت مایوس کن رہا ہے، جیسا کہ اکثر حکومتی اشاعتوں میں، وزارت خزانہ کے تقریباً ہر سالانہ اقتصادی سروے میں، درج ذیل یکساں انداز میں اعتراف کیا گیا ہے:
"اگرچہ یکے بعد دیگرے حکومتوں نے وفاقی بجٹ میں نئے مالیاتی اقدامات کر کے محصولات اور اخراجات کے فرق کو کم کرنے کی کوششیں کی ہیں، لیکن مجموعی مالیاتی خسارے میں بہت کم بہتری آئی ہے۔ ایسا کیوں ہے؟ پاکستان کا ٹیکس نظام اب بھی ایک تنگ اور چھیددار ٹیکس کی بنیاد ہے، جس میں درآمدات سے متعلق ٹیکسوں پر زیادہ انحصار، ایک طرف زیادہ ٹیکس اور دوسری طرف ٹیکس میں رعایتیں اور چھوٹ، اور کمزور ٹیکس انتظامیہ ہے۔ ان ساختی کمزوریوں کے مشترکہ اثر کے نتیجے میں ایک طرف ٹیکس سے جی ڈی پی کا کم اور جمود کا تناسب، اور دوسری طرف ٹیکس کی لچک اور افزائش میں اضافہ ہوا۔ آمدنی اور اخراجات کے درمیان بڑھتے ہوئے فرق کو کم کرنے کے لیے تقریباً ہر وفاقی بجٹ میں متعدد صوابدیدی اقدامات کیے جانے کے باوجود اس طرح کے ٹیکس نظام نے ماضی میں وسائل کو متحرک کرنے کی کوششوں کو شدید متاثر کیا ہے"۔
افزائش (buoyancy)کے تخمینے ٹیکس محصولات میں اضافے کے لیے حکومتی اقدامات کی مجموعی کامیابی کا اندازہ لگاتے ہیں ، جب کہ لچک کے گتانک (elasticity coefficients) قومی آمدنی میں ہونے والی تبدیلیوں کے لیے ٹیکس نظام کی موروثی ردعمل کی نشاندہی کرتے ہیں۔
پاکستان میں ٹیکس نظام کے لچکدار وصف کی عدم موجودگی یا کمزوری کی وجہ سے، حکومت کو ہر سال ٹیکس کی شرحوں پر نظرثانی کرنی پڑتی ہے، تاکہ قومی آمدنی میں ٹیکس ریونیو کے تناسب کو بہتر کیا جا سکے، مگر ٹیکس کی بنیاد کو کشادہ کرنے اور منصفانہ بنانے کی طرف مناسب توجہ نہیں دی جاتی۔
ٹیکس کی شرحوں میں اضافے اور اس طرح کی متواتر تبدیلیاں ہر سال پاکستان میں ٹیکس قوانین کو پیچیدہ بنا رہی ہیں ، انتظامی کارکردگی کو کم کر رہی ہیں اور یہ سیاسی طور پر بھی نا پسندیدگی کا مظہر ہیں ۔
5 جولائی 1977 کے سیاہ دن سے پاکستان میں یہی کچھ ہو رہا ہے۔ اب وقت آگیا ہے کہ اس قسم کے منفی اثرات سے بچنے کے لیے ہمیں اپنی ٹیکس پالیسی میں ایک مثالی تبدیلی لانی چاہیے۔ لہٰذا، ٹیکس کے ڈھانچے کو از سر نو ڈیزائن کیا جانا چاہیے تاکہ ٹیکس کے نظام کو معقول حد تک لچک (elasticity) فراہم کی جا سکے۔
پاکستان ٹیلی کمیونیکیشن اتھارٹی (پی ٹی اے) کے مطابق، 4 مارچ 2025 کو صبح 11:56 بجے رسائی حاصل کی گئی، 31 جنوری 2025 تک کل موبائل سیلولر صارفین کی تعداد 195 ملین (%79.30 موبائل ڈینسٹی) تھی۔ 140 ملین موبائل براڈ بینڈ صارفین (57.08 ملین ٹیلی فون صارفین) ، 3 ملین (%1.10 فکسڈ ٹیلی ڈینسٹی) اور 144 ملین براڈ بینڈ صارفین (%58.60 براڈ بینڈ رسائی) تھے ۔
جو لوگ یہ الزام لگاتے رہتے ہیں کہ پاکستانی "ٹیکس چور" ہیں، انہیں یاد دلانا ضروری ہے کہ یکم جولائی 2024 سے، پوری قابل ٹیکس آبادی اور یہاں تک کہ وہ لوگ جو ٹیکس قابل حد سے کم آمدنی یا کوئی بھی آمدنی نہیں رکھتے، بطور پوسٹ پیڈ موبائل/براڈ بینڈ/انٹرنیٹ صارفین، ایڈوانس اور ایڈجسٹ انکم ٹیکس ادا کر رہے ہیں % 15 فائلرز کے طور پر، اور %75 ان کی صورت میں جن کا ذکر انکم ٹیکس آرڈیننس مجریہ 2001 کے سیکشن B114 کے تحت جاری کیے گے جنرل آرڈر میں ہے۔
پاکستان کے تنگ (narrow) اور چھیددار (puntured) ٹیکس کی بنیاد کے بارے میں ہونے والی بحث اس ناقابل تردید حقیقت کو نظر انداز کرتی ہے کہ پاکستان میں بائیو میٹرک تصدیق شدہ موبائل کنکشن رکھنے والے تمام بالغ افراد ایڈوانس/ایڈجسٹبل انکم ٹیکس ادا کر رہے ہیں، چاہے وہ قابل ٹیکس آمدنی حاصل کرتے ہیں یا نہیں! اگر یہ سب ریٹرن فائل کرتے ہیں تو کم از کم 100 ملین ریفنڈز کے حقدار ہوں گے۔ تاہم، یہ بات بھی پریشان کن ہے کہ 28 فروری 2025 کو دوپہر 12:35 بجے (اس مضمون کو ختم کرنے کا وقت) فیڈرل بورڈ آف ریونیو (ایف بی آر) کی ویب سائٹ پر فعال ٹیکس دہندگان کے طور پر ظاہر ہونے والے افراد (قدرتی اور قانونی) کی کل تعداد 6,417,000 تھی! اس میں قدرتی افراد4,486,952 اور قانونی19,19,000 تھے۔
ایف بی آر 144 ملین براڈ بینڈ صارفین میں سے عملی ٹیکس کی بنیاد کا پتہ لگانے میں بری طرح ناکام رہا ہے، جو سالانہ صرف اس سہولت سے فائدہ اٹھانے پر 60,000روپے سے زیادہ خرچ کرتے ہیں ۔ پاکستان کی قابل ٹیکس آبادی 30 ملین سے کم نہیں اس مضمون میں اس کی تفصیلات دیکھیں۔
اصلاحات کے لیے لاکھوں ڈالر کے غیر ملکی قرضے لینے اور عالمی بینک سے اپنے متنازعہ ’تبدیلی کے منصوبے‘ (transformation plan)کے لیے مزید رقم مانگنے کے باوجود، ٹیکس کی بنیاد کو وسیع کرنے کے لیے ایف بی آر کی ناکامی، ایک تحقیقی مکالہ (زہرہ فاروق اور مزمل رشید) میں شاندار طور پر سامنے آئی ہے۔ یہ پاکستان انسٹی ٹیوٹ آف ڈویلپمنٹ اکنامکس (PIDE) کے ریسرچ فار سوشل ٹرانسفارمیشن اینڈ ایڈوانسمنٹ (RASTA) کے تحت اسلام آباد میں منعقدہ 5ویں PIDE-RASTA کانفرنس (26-27 فروری 2025) میں پیش کیا گیا۔
ہمارے اقتدار میں موجود سیاست دان اور معاشی منتظمین اصل مجرم ہیں۔انہوں نے ٹیکس پالیسی ایف بی آر کو سونپ دی ،جو پارلیمان کا کام ہے۔ ہر سال ٹیکس اہداف کو حاصل کرنے کے لئے، یہ وفاقی ادارہ ، ٹیکس پالیسی کو غریب اور پسماندہ لوگوں پر مظالم اور ریٹرن فائلرز کو مزید نچوڑنے کے لئے استعمال کر تا ہے۔
اب، ایک بار پھر کاغذوں پر ٹیکس پالیسی کو ریونیو کریسی (ٹیکس نوکر شاہی) اپیکس ریونیو اتھارٹی میں اعلی عہدوں پر فائز چند نام نہاد عقل کل ماہرین ، جو ہمیشہ آپس میں لڑائی میں مصروف رہتے ہیں، اور جس کے نتیجے میں اب ان پر پاکستان ایڈمنسٹریٹو سروس (PAS) کے ایک جونیئر افسر کی حکومت ہے سے الگ کرنے کے لیے پیش رفت ہو رہی ہے
فنانس بل 2025 کی تیاری کے لیے، اس سال بھی، ایسا لگتا ہے کہ یہ کام ریونیو کریسی کو ہی تفویض کیا جائے گا، جس کی سربراہی اب ایک پاکستان ایڈمنسٹریٹو سروس کا افسر کرے گا، کیونکہ وزارت خزانہ میں ٹیکس پالیسی آفس (TPO) اگرچہ 13 فروری 2025 کو notify کیا گیا تھا، مگر یہ تا حال کام نہیں کر رہا ہے۔ ریونیو کریسی کو اس بات سے کوئی سروکار نہیں ہے کہ ٹیکس کو عالمی سطح پر کسی ملک کی سماجی اقتصادی پالیسیوں کی تشکیل اور اس پر اثر انداز ہونے کے ایک طاقتور ذریعہ کے طور پر قبول کیا جاتا ہے۔ وہ صرف اہداف کے نمبروں کے جنون میں مبتلا ہیں، جس سے وہ کبھی پورا بھی نہیں کر پاتے، اس حقیقت کے باوجود کہ صرف وفاقی سطح پر ٹیکس کی اصل استعداد 30 ٹریلین روپے ہے۔
ٹیکس کی حقیقی صلاحیت کو حاصل کرنے کے لیے، یہ ضروری ہے کہ ہم اپنے مخصوص حالات کو مدنظر رکھتے ہوئے، اور صرف غیر ملکی قرض دہندگان اور عطیہ دہندگان کے ناقص نسخوں پر عمل نہ کرتے ہوئے، تیز تر معاشی ترقی کے لیے موزوں ٹیکس پالیسی بنائیں۔ ہمارے لیے ضروری ہے کہ مالی سال 2025-26 کے لیے آنے والے بجٹ کو تبدیلی کے آلے کے طور پر استعمال کریں نہ کہ جمود کے آلے کے طور پر۔ ٹیکسوں میں، ہمیں کچھ بنیادی ساختی اور آپریشنل تبدیلیاں لانے کی ضرورت ہے۔ مختلف ٹیکس کوڈز میں بغیر سوچے سمجھے کی جانے والی بے معانی ترامیم کسی بھی مفید مقصد کو پورا نہیں کریں گی۔
مالیاتی اصلاحات کے پروگرام میں ہمیں درپیش سب سے اہم مسئلہ ٹیکس چوری کو روکنے کے لیے سخت اقدامات کو وضع کرنا ہے تاکہ ہم ٹیکسوں کے بوجھ کو ایک ہی یا ایک جیسے پیشوں اور کاروباروں میں مختلف افراد کے درمیان منصفانہ طور پر تقسیم کر سکیں۔ ایماندار ٹیکس دہندگان کو تحفظ فراہم کرنا ہوگا کیونکہ وہ دن بہ دن اس حقیقت سے مایوس ہورہے ہیں کہ طاقتور ٹیکس چور ٹیکس مشینری میں اپنے دوستوں کی ملی بھگت سے کچھ نہیں دے رہے ہیں۔ اگر ہم ٹیکس کے نظام میں کوئی بامعنی تبدیلی لانا چاہتے ہیں تو ٹیکس چوروں/ان کے مشیروں اور کرپٹ ٹیکس حکام کے درمیان عوام دشمن اتحاد کو پہلے اور اہم ترین قدم کے طور پر ختم کرنا ہوگا۔
آئندہ وفاقی بجٹ 2025-26 میں، لازمی پبلک ڈسکلوژر آف اثاثہ جات ایکٹ، 2025 (Compulsory Public Disclosure of Assets Act, 2025)کے نام سے قانون سازی کی تجویز دی جانی چاہیے، جس کے تحت درج ذیل کو اپنے اثاثوں اور واجبات کو ادا شدہ ٹیکس کے ساتھ پبلک کرنا ہو گا:۔
• اعلیٰ درجے کے سول اور فوجی حکام
• تمام سینیٹرز، ایم این اے اور ایم پی اے
• اعلیٰ عدالتوں کے ججز
• کوئی بھی شخص جس نے کسی بھی مالیاتی ادارے سے 500 ملین روپے سے زیادہ کے قرضے حاصل کیے ہوں
• پیشہ ور افراد جیسے وکلاء، ڈاکٹر، چارٹرڈ اکاؤنٹنٹ، انجینئر، صحافی، مشیر وغیرہ
معاشرے کے مندرجہ بالا طاقتور/ مراعات یافتہ طبقے کو دوسروں کے لیے مثال کے طور پر کام کرنا چاہیے۔ ان کے پبلک اعلانات (declarations) عام لوگوں کو ایمانداری سے ٹیکس ادا کرنے کی ترغیب دیں گے۔ ریاست کو بڑھتی ہوئی متوازی معیشت، پیسے کی طاقت اور بدعنوان سیاسی انتظامی ڈھانچے کے خلاف ہمہ جہت جنگ لڑنے کی ضرورت ہے۔ اگر ہم واقعی اپنے ٹیکس کی بنیاد کو وسیع کرنا چاہتے ہیں تو یہ جنگ طاقتور طبقوں سے شروع ہونی چاہیے، جن کی اوپر نشاندہی کی گئی ہے۔
