خیال رہے کہ سارہ خان اور فلک شبیر کی گزشتہ سال جولائی 2020ء میں شادی کے ہوئی تھی۔ دونوں نے رواں برس تصدیق کی تھی کہ وہ اپنے پہلے بچے کے والدین بننے والے ہیں۔
گلوکار فلک شبیر نے اپنی انسٹاگرام پوسٹ پر ایک تصویر شیئر کی ہے جس میں دونوں ستارے اپنی ننھی پری کا ہاتھ تھامے نظر آ رہے ہیں۔
خوشی کی خبر منظر عام پر آتے ہی سارہ اور فلک شبیر کے مداحوں کی جانب سے مبارکبادوں کا تانتا بندھ گیا۔ انہوں نے جوڑے کو بیٹی کی پیدائش پر ڈھیروں دعائیں دیں۔
فلک شبیر نے اپنی پوسٹ میں مداحوں کا شکریہ ادا کیا اور بتایا کہ ہم نے اپنی بیٹی کا نام ’عالیانہ فلک‘ رکھا ہے۔
انہوں نے اس موقع پر ماہ ربیع الاول کے بابرکت مہینے کی مناسبت سے بھی پیغام لکھا جس میں انہوں نے کہا کہ ان کے ہاں جمعے کے مبارک دن اللہ تعالیٰ کی رحمت کا نزول ہوا ہے۔
View this post on Instagram
اس پرمسرت پوسٹ پر شوبز سے تعلق رکھنے والی متعدد شخصیات نے بھی کمنٹس کرکے فلک شبیر اور سارہ خان کو مبارکبادیں دیں۔
View this post on Instagram
خیال رہے کہ فلک شبیر نے کچھ دن قبل ہی اپنے گھر میں بچے کیلئے بنائی گئی نرسری کی ویڈیو بھی شیئر کرتے ہوئے بتایا تھا کہ وہ اور ان کی اہلیہ اپنے ہاں پہلے بچے کی متوقع آمد پر بہت خوش ہیں۔