گوجرانوالہ : ٹانڈہ کے نواحی گاؤں موضع مہلو کا رہائشی چوہدری خان مہلو بھارت سے قومی کرکٹ ٹیم کی شکست کا صدمہ برداشت نہ کرسکا، وہ دل کا دورہ پڑنے سے خالق حقیقی سے جا ملا۔خان محمد مہلو کے انتقال سے ہر آنکھ اشکبار ہو گئی۔
دوسری جانب ورلڈ کپ کے اہم میچ میں پاکستان کرکٹ ٹیم کی بھارت کے ہاتھوں عبرت ناک شکست پر گوجرانوالہ کے کرکٹرز نے سابق سیکریٹری ڈسٹرکٹ کرکٹ ایسوسی ایشن بابا انصر ظفر راٹھور کی قیادت میں جناح اسٹیڈیم کے باہر احتجاجی مظاہرہ کیا ۔
مظاہرین نے سڑک پر ٹائر جلائے اور چیئرمین پی سی بی احسان مانی کا پتلا نذر آتش کیا،انھوں نے چیئرمین پی سی بی احسان مانی سے فوری عہدے سے مستعفی ہونے کا مطالبہ بھی کیا۔
مظاہرین کا کہنا تھا کہ بڑے ایونٹ میں کمزور ٹیم بھیج کر ملک کا مذاق بنوایا گیا۔ٹیم میرٹ پر منتخب ہوتی تو بھارت سے عبرتناک شکست نہ ہوتی۔
