امریکا کے ایک نجی نیوز چینل پر براہ راست پورن ویڈیو چلا دی گئی، ناظرین کی جانب سے شکایات پر پولیس نے چینل کی انتظامیہ کیخلاف تحقیقات شروع کر دی ہیں۔
میڈیا رپورٹس کے مطابق شام 6 بج کر 30 منٹ پر خاتون اینکر ناظرین کو موسم کی صورتحال بارے بتا رہی تھیں کہ اچانک ان کے پیچھے سکرین پر پورن ویڈیو کا کلپ چلنا شروع ہو گیا جو 13 سکینڈ پر محیط تھا۔
ناظرین نے یہ منظر دیکھا تو دم بخود رہ گئے۔ کچھ نے اس موقع کے سکرین شارٹس اور ویڈیوز بنا کر اسے سوشل میڈیا پر شیئر کر دیا جو دیکھتے ہی دیکھتے وائرل ہو گئیں۔
تاہم موسم کی رپورٹ دینے والی خاتون اینکر اس سارے واقعے سے لاعلم رہتے ہوئے اپنی خبریں پڑھتی رہیں۔
واشنگٹن پولیس نے ناظرین کی جانب سے شکایات درج ہونے کے بعد تحقیقات شروع کر دی ہیں۔ پولیس نے بیان میں کہا ہے کہ نیوز چینل پر پورن ویڈیو دکھانے کی شکایات متعدد ٹیلی فونز کالز کے ذریعے موصول ہوئیں۔
پولیس حکام کا کہنا ہے کہ نجی نیوز چینل کی انتظامیہ اس معاملے کی تحقیقات میں مکمل تعاون کر رہی ہے، اس واقعے میں ملوث افراد کا جلد ہی پتا چل جائے گا۔
ادھر چینل کی انتظامیہ نے اپنے بیان میں کہا ہے کہ پورن ویڈیو غلطی سے براہ راست نشر ہو گئی تھیں، اس پر ہم دلی طور پر اپنے ناظرین سے معذرت خواہ ہیں۔
بیان میں کہا گیا ہے کہ چینل انتظامیہ ہم کوشش کر رہے ہیں کہ مستقبل میں دوبارہ کبھی ایسا واقعہ رونما نہ ہو، اس لئے سیکیورٹی کو مزید سخت کر دیا گیا ہے۔
