کراچی میں 10 سال بعد ہونے والی ٹیسٹ سیریز کے دوسرے ٹیسٹ میں جہاں قومی ٹیم نے سری لنکا کو 263 رنز سے شکست دے کر سیریز اپنے نام کی وہیں نسیم شاہ نے بھی نیا ریکارڈ بنا کر اہم اعزاز اپنے نام کر لیا۔
?️ November 2019: Bowls a no-ball against Australia. Warner goes on to score 154.
?️ December 2019: Picks up five wickets in Karachi, giving ?? victory in their first Test series at home in 10 years.
What a turnaround from the young Naseem Shah ? pic.twitter.com/rTa2bh8lHB
— ICC (@ICC) December 23, 2019
حال ہی میں قومی ٹیم کا حصہ بننے والے نسیم شاہ نے کراچی ٹیسٹ میں شاندار باؤلنگ کا مظاہرہ کیا اور دوسری اننگز میں 12 اوور 5 گیندوں پر صرف 31 رنز دے کر 5 وکٹیں حاصل کیں۔
اس کے ساتھ ہی نسیم شاہ ٹیسٹ میچ کی ایک اننگز میں 5 وکٹیں حاصل کرنے والے کم عمر ترین فاسٹ باؤلر جبکہ دنیا کے دوسرے ایسے باؤلر بن گئے جنہوں نے اتنی کم عمر میں 5 وکٹیں حاصل کیں۔
Naseem Shah has his first Test five-for?
At 16 years and 311 days, he's the second youngest to do sohttps://t.co/lsUNQEAgb3 | #PAKvSL pic.twitter.com/dwHjhMmwIc
— ESPNcricinfo (@ESPNcricinfo) December 23, 2019
فروری 2003 میں پیدا ہونے والے نسیم شاہ نے 16 سال 311 دن کی عمر میں یہ اعزاز حاصل کیا۔
واضح رہے کہ ایک اننگز میں 5 وکٹیں لینے والے دنیا کے کم عمر ترین کھلاڑی کا اعزاز بھی پاکستان کے نسیم الغنی کو حاصل ہے، جنہوں نے 16 سال 303 دن میں 5 وکٹیں حاصل کی تھی لیکن وہ لیفٹ آرم سپنر تھے۔
اس کے علاوہ محمد عامر بھی دنیا کے ان کم عمر کھلاڑیوں کی فہرست میں شامل ہیں اور انہوں نے صرف 17 سال 257 دن میں 5 وکٹیں حاصل کی تھیں۔