وزیراعظم شہباز شریف کے اپنے وفد کے ہمراہ مسجد نبوی میں آمد کے موقع پر شور وغوغا کرنے والے پاکستانی شہری کو سعودی عرب کی عدالت نے جیل بھیجنے کا حکم دیدیا ہے۔
یہ خبر دیتے ہوئے صحافی سلیم صافی نے اپنی ٹویٹ میں بتایا ہے کہ وزیراعظم میاں شہباز شریف کے مسجد نبوی صلی اللہ علیہ وسلم میں حاضری کے موقع پرشور وغوغا کی ویڈیو بنا کر وائرل کرنے والے پاکستانی اور پی ٹی آئی کے سپورٹر پاکستانی محمد طاہر کو سعودی عرب کی تین ججز پر مشتمل عدالت کی طرف سے تین سال قید اور دس ہزار ریال کی سزا سنا دی گئی ہے۔
https://twitter.com/SaleemKhanSafi/status/1534527748173070336?s=20&t=pu06s4ksT84nLN59Zy2lIA
یہ بھی پڑھیں: مسجدِ نبوی میں پاکستانی وزرا کیساتھ بدتمیزی، 5 پاکستانی گرفتار، ایک سال قید، 5 لاکھ ریال جرمانے کا امکان
خیال رہے کہ مسجد نبوی میں پاکستانی وزرا کیساتھ بدتمیزی کرنے والے 5 پاکستانیوں کو سعودی حکام نے گرفتار کر لیا تھا۔ مدینہ پولیس کے ترجمان کی جانب سے جاری بیان میں کہا گیا تھا کہ ان پاکستانی افراد کو حراست میں لے کر قانونی کارروائی مکمل کر لی گئی ہے اور معاملہ مجاز حکام کو بھیج دیا گیا ہے۔
https://twitter.com/TabdeeliPTI/status/1519718113650094080?ref_src=twsrc%5Etfw%7Ctwcamp%5Etweetembed%7Ctwterm%5E1519718113650094080%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F86083%2Fmaryam-aurangzeb-masjid-nabawi-incident-pti-shahbaz-sharif-shahzain-bugti%2F
وزیرِ اطلاعات مریم اورنگزیب اور وزیرِ نارکوٹکس شاہ زین بگٹی کو مسجد نبوی کے صحن میں موجود پاکستانیوں کی جانب سے بدسلوکی کا سامنا کرنا پڑا تھا۔ ان افراد نے پاکستانی وزرا اور ان کے ساتھیوں کو گھیرے میں لے کر نعرہ بازی کی تھی اور جہاں مریم اورنگزیب کے لئے نازیبا زبان استعمال کی تھی، وہیں شاہ زین بگٹی کے بال بھی کھینچے گئے تھے اور انھیں دھکے دیے گئے تھے۔
سعودی سفارتحانے نے بھی ان اطلاعات کی تصدیق کی تھی کہ مدینہ منورہ میں نعرے بازی کرنے والے چند پاکستانیوں کو گرفتار کر لیا گیا ہے۔ پاکستان نے بھی مسجدِ نبوی میں پیش آنے والے واقعے میں ملوث افراد کے خلاف کارروائی کا مطالبہ کیا تھا۔
https://twitter.com/Noorpk_87/status/1520344822170718208?ref_src=twsrc%5Etfw%7Ctwcamp%5Etweetembed%7Ctwterm%5E1520344822170718208%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F86083%2Fmaryam-aurangzeb-masjid-nabawi-incident-pti-shahbaz-sharif-shahzain-bugti%2F
وزیر داخلہ رانا ثنا اللہ نے ٹویٹر پر اپنے پیغام میں کہا تھا کہ ’پاکستان سعودی وزارت خارجہ سے درخواست کرے گا کہ وہ مدینہ منورہ میں ہونے والے واقعے پر کارروائی کرے۔ شناخت کرکے ان کو ملک بدر کیا جائے۔ سعودی حکام سے درخواست کریں گے کہ ملوث افراد کی سی سی ٹی وی فوٹیج ہمیں بھجوائی جائیں تا کہ ان کی شناخت کی جائے اور ان کے خلاف مقدمہ درج کیا جائے۔’
https://twitter.com/Shani_4849/status/1519853310576103426?ref_src=twsrc%5Etfw%7Ctwcamp%5Etweetembed%7Ctwterm%5E1519853310576103426%7Ctwgr%5E%7Ctwcon%5Es1_c10&ref_url=https%3A%2F%2Furdu.nayadaur.tv%2Fnews%2F86083%2Fmaryam-aurangzeb-masjid-nabawi-incident-pti-shahbaz-sharif-shahzain-bugti%2F
یاد رہے کہ پاکستان کے وزیراعظم شہباز شریف 13 رکنی وفد کے ہمراہ تین روزہ سرکاری دورے پر مدینہ پہنچے تھے۔ وزیراعظم کے دورے سے قبل سابق وزیر داخلہ شیخ رشید نے ایک پریس کانفرنس میں کہا تھا کہ ’مکہ مدینہ والے لوگ دیکھیں ان کے ساتھ کل کیا کریں گے۔
