حکومت سندھ کے ترجمان مرتضیٰ وہاب نے سماجی روابط کی ویب سائٹ پر ٹوئٹ کرتے ہوئے بتایا کہ مزید افراد کے ٹیسٹ نتائج آگئے ہیں جن کے مطابق سندھ میں کرونا کیسز کی مجموعی تعداد 76 ہوگئی ہے۔ اپنے پیغام میں ان کا مزید کہنا تھا کہ کرونا سے متاثر ہونے والے 2 افراد اب تک صحتیاب ہوچکے ہیں جبکہ بقیہ افراد کو جن میں وائرس کی تصدیق ہوئی انہیں آئیسولیشن (تنہائی) میں رکھا گیا ہے۔
More results have come in. So far 50 people who had arrived in Sukkur from Taftaan have tested positive, 25 at Karachi & 1 at Hyderabad. So the total patients have reached 76 in Sindh. Out of these 76 patients, 2 have recovered & the remaining 74 are being kept in isolation
— SenatorMurtaza Wahab (@murtazawahab1) March 16, 2020
دوسری جانب محکمہ صحت سندھ نے اپنی ٹوئٹ میں بتایا کہ 76 کیسز میں سے 25 کا تعلق کراچی، ایک کا حیدرآباد سے ہے جبکہ 50 کیسز ایران سے بذریعہ تفتان بارڈر سکھر پہنچنے والے افراد میں رپورٹ ہوئے۔
#Sindh Health Department has 25 cases from Karachi, 1 case from Hyderabad and 50 cases from Taftan, Iran. Which brings the total number of case to 76 in the province out of which 2 have recovered & 74 are still under treatment. #SindhHealth #CoronaVirusPakistan
— Health and Population Welfare Department, Sindh (@SindhHealthDpt) March 16, 2020
واضح رہے کہ 2 روز قبل مرتضیٰ وہاب نے کہا تھا کہ تفتان بارڈر پر قرنطینہ کیے گئے مجموعی 853 زائرین میں سے 288 کو سکھر منتقل کیا گیا ہے۔ جس میں سے 40 زائرین کے طبی نمونے ٹیسٹ کے لیے کراچی روانہ کیے گئے تھے اور گذشتہ روز ان میں سے 13 نمونے مثبت ثابت ہوئے۔
واضح رہے کہ دسمبر 2019 میں چین کے شہر ووہان سے شروع ہونے والی کووڈ 19 وبا دنیا کے تقریبا 156 ممالک تک پھیل چکی ہے اور اس سے اب تک دنیا بھر میں ایک لاکھ 56 ہزار 400 سے زائد افراد متاثر ہوئے ہیں۔