میانمار میں روہنگیا مسلمانوں کی نسل کشی کے دو سال مکمل ہونے پر بنگلا دیش کے کیمپوں میں مقیم لاکھوں روہنگیا مسلمانوں نے مارچ کیا۔
ریلی میں موجود افراد نے گھروں کو واپسی کے لیے میانمار حکومت سے روہنگیا کو مکمل شہری حقوق دینے کا مطالبہ کیا۔
ریلی میں روہنگیا مسلمانوں کے لیے اجتماعی دعا بھی کرائی گئی۔
برمی فوج کے مظالم یاد کرتے ہوئے مظلوم روہنگیا مسلمانوں نے رو رو کر اپنے پیاروں کے لیے دعائیں کیں۔
واضح رہے کہ دو سال قبل میانمار فوج کے ظلم و ستم سے جان بچا کر 7 لاکھ سے زائد روہنگیا مسلمانوں نے بنگلا دیش میں پناہ لی تھی۔
