مسلم لیگ (ن) کی نائب صدر مریم نواز کی اپنے صاحبزادے جنید صفدر کی شادی کی خوشی میں منعقدہ تقریبات کے موقع پر نئی تصاویر سوشل میڈیا پر وائرل ہو چکی ہیں۔
View this post on Instagram
خیال رہے کہ جنید صفدر کا ولیمہ رواں ماہ 17 دسمبر کو ہوگا لیکن اس سے قبل ہی پروقار تقریبات کا باقاعدہ آغاز ہو چکا ہے۔
گذشتہ روز اس سلسلے میں دو تقریبات کا اہتمام کیا گیا جس میں قریبی رشتہ داروں نے شرکت کی۔
View this post on Instagram
جنید صفدر نے اس تقریب میں سفید شلوار قمیض، نیلی واسکٹ اور سفید شال زیب تن کی ہوئی تھی جبکہ ان کی اہلیہ عائشہ سیف نے پیسٹل رنگ کا عروسی جوڑا پہنا تھا جبکہ مریم نواز بھی اس موقع پر خوبصورت لباس میں نظر آئیں۔
View this post on Instagram
اسی تقریب میں مریم نواز نے دوبارہ اپنی آواز کا جادو جگایا اور اپنے صاحبزادے کی شادی کی خوشی میں روایتی گیت گا کر سب کو محظوظ کیا۔
ایک اور تقریب کی تصاویر بھی سوشل میڈیا پر وائرل ہو رہی ہیں، ان میں مریم نواز، اپنے کزن حمزہ شہباز، صاحبزادے جنید صفدر اور خاوند کیپٹن ریٹائرڈ صفدر کے ہمراہ نظر آ رہی ہیں۔
View this post on Instagram
مریم نواز نے اس پرمسرت مواقع کی تصاویر سوشل میڈیا پر شیئر کرتے ہوئے اپنے صاحبزادے کی شادی کو زندگی کے خوشگوار ترین لمحات قرار دیا ہے۔
یہ بات ذہن میں رہے کہ مریم نواز شریف نے ان تقریبات کے سلسلے میں اپنی تمام سیاسی مصروفیات ترک کی ہوئی ہیں۔
