محکمہ صحت سندھ کے مطابق 52 سالہ شخص 2 روز قبل اسلام آباد سے کراچی پہنچا تھا جس میں کرونا وائرس کی تصدیق ہوئی۔
#Sindh Health Department has a new cases of #CoronaVirusPakistan The 52 year old patient arrived from Islamabad 2 days ago & was tested positive today. This brings the total number of cases to 15 in Sindh out of which 13 are in stable condition & 2 have been discharged.
— Health and Population Welfare Department, Sindh (@SindhHealthDpt) March 13, 2020
صوبائی محکمہ صحت کے مطابق سندھ میں کرونا وائرس کا شکار مریضوں کی مجموعی تعداد 15 ہو گئی ہے جس میں سے 14 کیسز کراچی جبکہ ایک حیدرآباد میں سامنے آیا۔
ادھر وزیر صحت سندھ کی میڈیا کوآرڈینیٹر میران یوسف نے تصدیق کی کہ کراچی میں سامنے آنے والا نیا کیس مقامی طور پر منتقلی کا ہے کیوں کہ مریض نے بیرونِ ملک کوئی سفر نہیں کیا۔
اس حوالے سے محکمہ صحت سندھ نے سماجی روابط کی ویب سائٹ ٹوئٹر پر ایک ٹوئٹ میں بتایا کہ سندھ کے مجموعی کیسز میں سے 2 مریض اب تک صحت یاب ہوچکے ہیں جبکہ باقی 13 کی حالت مستحکم ہے۔ محکمہ صحت نے ایک اور ٹوئٹ میں بتایا کہ سندھ بھر میں مجموعی طور پر 251 افراد کے ٹیسٹ کیے گئے جس میں سے 15 مثبت جبکہ 236 منفی آئے۔
#Sindh Health Department has conducted a total of 251 tests for Corona Virus from all over Sindh out of which 15 were positive and 236 were negative. All 13 cases are under treatment and stable. While 2 have been cured and discharged. #SindhHealth #CoronaVirusPakistan
— Health and Population Welfare Department, Sindh (@SindhHealthDpt) March 13, 2020
خیال رہے کہ ملک بھر میں کرونا وائرس کے تصدیق شدہ کیسز کی تعداد 22 ہے جس میں کراچی کے بعد سب سے زیادہ مریضوں کا تعلق گلگت بلتستان سے ہے۔
واضح رہے کہ وفاقی حکومت کی جانب سے ملک میں کرونا وائرس کی تازہ ترین صورتحال اور نئے کیسز کی تعداد جاننے کے لیے ایک خصوصی پورٹل کا اجرا بھی کردیا گیا ہے۔