تفصیلات کے مطابق آزادی مارچ کی تیاریاں مکمل کر لی گئیں ہیں، جس کا باقاعدہ آغاز آج ٹول پلازہ کراچی سے ہو گا۔ سہراب گوٹھ میں افتتاحی جلسے سے خطاب کے لئے پیپلز پارٹی سے رضا ربانی، جمعیت علما اسلام پاکستان نورانی گروپ کے اویس نورانی، عوامی نیشنل پارٹی کے شاہی سید اور دیگر قائدین سٹیج پر پہنچ گئے ہیں جبکہ مولانا فضل الرحمان بھی جلسے کے لئے کنٹینر پر موجود ہیں۔
کراچی سہراب گوٹھ : آزادی مارچ کا باقاعدہ آغاز#AzadiMarch27October pic.twitter.com/FdW4FJBHza
— Maulana Fazl-ur-Rehman (@MoulanaOfficial) October 27, 2019
گذشتہ روز ایک پریس کانفرنس کے دوران پاکستان پیپلز پارٹی کے چیئرمین بلاول بھٹو نے اعلان کیا تھا کہ مولانا فضل الرحمان کا آزادی مارچ جہاں جہاں سے گزرے گا وہاں پر پیپلزپارٹی کے مقامی رہنما ان کا استقبال کریں گے۔
آزادی مارچ حیدرآباد، سکھر، گھوٹکی سے ہوتا ہوا پنجاب میں داخل ہو گا۔ قافلہ فورٹ منرو کے پہاڑی سلسلوں سے گزرتا ہوا ڈیرہ غازی خان، ملتان اور پھر بذریعہ لاہور، اسلام آباد پہنچے گا۔